Bandièra01 1180x150: La Passem

Actualitats

InternacionalPoliticaSciénciaSocietat

L’OMS saluda l’estrategia de non-confinament suedesa

E mai las escòlas sián dobèrtas, las entrepresas e los servicis en marcha, se sollicita la responsabilitat dels ciutadans pel distanciament social

| New York Post
Escòlas dobèrtas, entrepresas e servicis en marcha e tot en foncionament mas en apelant a la responsabilitat dels ciutadans: es atal qu’en Suècia an afrontat la crisi sanitària del nòu coronavirus, del temps que dins fòrça païses del Mond sèm en confinament. Aquela estrategia, fòrça criticada per Donald Trump, ara a recebut l’aprobacion de l’Organizacion Mondiala de la Santat (OMS).
 
L’estrategia suedesa seguís un plan pensat per Anders Tegnell, qu’ara es vengut una sòrta d’eròi nacional en seguida de sas conferéncias de premsa jornadièras. Tegnell es l’epidemiològ en cap de l’Agéncia de la Santat Publica de Suècia qu’a dich als ciutadans de règlas per tal de respectar las distàncias socials. Atal, amb una crida a la responsabilitat ciutadana, lo país a alentit son ritme mas s’es pas paralisat.
 
Auriá foncionat en çò nòstre?
 
Pasmens, es pauc probable qu’aquela estrategia aja pogut foncionar en cò nòstre. Segon lo cercaire Sergio Rosati, de l’Universitat de Turin, “Itàlia, Espanha e França son —segon aquel òrdre— de païses amb una vida sociala mai intensa”, çò ditz dins una entrevista facha en esperanto per la revista Monato. Segon lo scientific piemontés, “dins lo nòrd d’Euròpa lo mond tenon la tendéncia d’èsser mai individualistas, desiran mens de se recampar en grops socials”. Per Rosati “es important de comprene que del mai d’ora s’es pres las règlas de distanciament social, del mai inferior es lo nombre d’infeccions”.
 
 
 
 
 
 
 
 
abonar los amics de Jornalet
 
 

 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Los paisos democratics o fan aital, los altres empresonant a la gent en ca seva, posant multas, militarizant las ordres, fent politica barata a veire qui es mai dur, qui confina mai temps. E l''OMS reconeis qu' es un bon sistema, e tamben per l'economia. Bravo Suècia ! e l'OMS. Moltas gents aquí deian que s'exagerava trop, quan se sapiga tota la veritat serà lo moment de demanar responsabilitats.

  • 3
  • 0
Guilhèm Thomas Tolosa
1.

Puèi los governants d'aqueles país son talament decridibilisats per las colhardisas que recitant sus una basa quotidiana qu'es dificile de los prene al seriós quand s'agís de recomendacions sanitàrias.

  • 11
  • 0

Escriu un comentari sus aqueste article