Bandièra01 capçalera 1180x150: Botiga

Actualitats

Societat

L’11 de mai, comença lo desconfinament, amb de frontièras estatalas contrarotladas

Se farà un registre de ciutadans positius per o raportar als mètges e a la Seguretat Sociala

Los occitans de las Valadas que vòlgan anar dins la rèsta del país deuràn passar una quarantena obligatòria de 14 jorns
Los occitans de las Valadas que vòlgan anar dins la rèsta del país deuràn passar una quarantena obligatòria de 14 jorns | Wikimedia / France64160
L’11 de mai, començarà lo desconfinament dins los estats espanhòl e francés, que se farà progressivament fins al 24 de julhet. Demest las divèrsas mesuras presas per aqueste periòde, cal soslinhar l’ermeticitat de las frontièras estatalas.
 
Atal, los ciutadans franceses se poiràn desplaçar fins a 100 quilomètres de lor residéncia abituala, mas lo mond de Comenge poiràn pas anar en Aran, ni lo mond de Briançonés, Cairàs, Ubaia o de la Comtat de Niça se poiràn gandir dins las Valadas.
 
En mai d’aquò, los araneses o los occitans de las Valadas que vòlgan anar dins la rèsta del país deuràn passar una quarantena obligatòria de 14 jorns, que seràn 30 jorns en cas de resultat positiu al tèst del darrièr coronavirus.
 
Dins l’estat francés los positius auràn pas l’obligacion de s’isolar, mas se crida a “la fisança e a la responsabilitat” per o far. Per contra, si que se farà un registre de ciutadans positius per o raportar als mètges e a la Seguretat Sociala.


Mesa a jorn a 10h15:
França rectifica e los ciutadans de Schengen si qu'i poiràn intrar
 
Puèi, França a rectificat e a decidit d'impausar aquela mesura solament pels ciutadans que vengan d'endacòm mai que l'Union Europèa, lo Reialme Unit o los autres territòris de la zòna de l'acòrdi de Schengen. O a raportat lo consolat francés al Reialme Unit.
 



abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Lo govern del PSOE se vol prolongar l'estat d'alarma per la greu situacion que viu Madrid lo qu'a de far es declarar l'estat d'alarma per Madrid, e pas per tota Espanha. Coma sempre los castelhas confonen Madrid amb tota Espanha. A Peire Sanchís li diguét lo dirigent del pipi Cassado,qu' avia assassinat als morts del grip. E ara es Peire Sanchís qu' amenaça als que no votin l'estat d'alarma, que seran responsables de los morts qu' i agi. Una lastima de politica castelhana barata qu' interfereis amb las decisions medicas .

  • 2
  • 0

Escriu un comentari sus aqueste article