Actualitats
A començat tot un festenal en linha de la cultura occitana
D’artistas e de mediators del domeni occitanofòn se son mobilizats per ofrir l’expression de la cultura en lenga nòstra ben activa en dirècte sus Internet
A començat lo projècte «Ciber Cafè, Estanquet digitau e sensible» ont d’artistas e de mediators del domeni occitanofòn se son mobilizats per ofrir, durant aqueste periòde de confinament, una expression fòrça activa de la cultura en lenga nòstra en dirècte sus Internet.
Dimècres passat, se comencèt amb de contes en dirècte amb Yves Durand e Isabelle Loubère qu’aguèron una interaccion estrambordanta amb los participants, qu’i assistissián via Zoom. L’eveniment tanben se podiá seguir en dirècte sus la pagina Facebook de La Ciutat, lo centre cultural de Pau.
Diluns, Monique Burg e Serge Mauhourat avián prepausat de contes:
Uèi a 18h prendràn la paraula d’universitaris, actors e testimònis PCI per escambiar sis las fèstas del mes de mai e la fèsta de Sant Joan. Participaràn Patricia Heiniger-Castéret, mèstre de conferéncia a l’Universitat de Pau e dels Païses de l’Ador, Marie Berthes de “La Classe” a Sant Sever, un representant de l’associacion de la “plantacion de mai” de Lanas, de représentants dels fuòcs de Sant Joan de Comenge e de Varossa. Per participar sus Zoom cal connectar sus zoom.us/webinar/81509493307 (ID de reünion: 815-0949-3307), e tanben o poiretz seguir en dirècte sus la pagina Facebook de La Ciutat, lo centre cultural de Pau.
E deman un concèrt de tria
E deman divendres a 18h i aurà un concèrt de tria amb Maud Herrera, Romain Baudoin, Manu Théron, Matèu Baudoin, Baltazar Montanaro e Elisa Trébouville que prepausaràn en dirècte e cadun a son torn una recreacion personala, reïnterpretacion o improvisacion.
Per i participar sus Zoom, se cal connectar sus zoom.us/webinar/89903902544 (ID de reünion: 899-0390-2544), mas tanben se poirà seguir en dirècte sus la pagina Facebook de La Ciutat, lo centre cultural de Pau.
Aquelas animacions son organizadas pel CIRDÒC - Institut occitan de Cultura, la Compagnie Hart Brut, e l’Associacion de Prefiguracion de la Ciutat, e la sostenon ÒcProd, l’Ostau Bearnés, lo Collectiu ça-i, Calandreta e Òc-BI.
Dimècres passat, se comencèt amb de contes en dirècte amb Yves Durand e Isabelle Loubère qu’aguèron una interaccion estrambordanta amb los participants, qu’i assistissián via Zoom. L’eveniment tanben se podiá seguir en dirècte sus la pagina Facebook de La Ciutat, lo centre cultural de Pau.
Diluns, Monique Burg e Serge Mauhourat avián prepausat de contes:
Uèi a 18h prendràn la paraula d’universitaris, actors e testimònis PCI per escambiar sis las fèstas del mes de mai e la fèsta de Sant Joan. Participaràn Patricia Heiniger-Castéret, mèstre de conferéncia a l’Universitat de Pau e dels Païses de l’Ador, Marie Berthes de “La Classe” a Sant Sever, un representant de l’associacion de la “plantacion de mai” de Lanas, de représentants dels fuòcs de Sant Joan de Comenge e de Varossa. Per participar sus Zoom cal connectar sus zoom.us/webinar/81509493307 (ID de reünion: 815-0949-3307), e tanben o poiretz seguir en dirècte sus la pagina Facebook de La Ciutat, lo centre cultural de Pau.
E deman un concèrt de tria
E deman divendres a 18h i aurà un concèrt de tria amb Maud Herrera, Romain Baudoin, Manu Théron, Matèu Baudoin, Baltazar Montanaro e Elisa Trébouville que prepausaràn en dirècte e cadun a son torn una recreacion personala, reïnterpretacion o improvisacion.
Per i participar sus Zoom, se cal connectar sus zoom.us/webinar/89903902544 (ID de reünion: 899-0390-2544), mas tanben se poirà seguir en dirècte sus la pagina Facebook de La Ciutat, lo centre cultural de Pau.
Aquelas animacions son organizadas pel CIRDÒC - Institut occitan de Cultura, la Compagnie Hart Brut, e l’Associacion de Prefiguracion de la Ciutat, e la sostenon ÒcProd, l’Ostau Bearnés, lo Collectiu ça-i, Calandreta e Òc-BI.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dos bons contaires amb un polit accent occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari