Actualitats
Espanha: es mòrt lo tormentaire franquista “Billy el Niño” sens aver pagat sos crimes
La Covid-19 a emportat l’èx-policièr espanhòl Antonio González Pacheco, mes en examen per torturas pendent la dictatura
L’èx-policièr espanhòl Antonio González Pacheco, mes en examen per torturas pendent lo franquisme e conegut amb l’escais de “Billy el Niño”, moriguèt dijòus passat dins un espital de Madrid a causa de la Covid-19, çò rapòrta ElDiario.es.
Pacheco es un dels simbòls de las torturas de la dictatura franquista e de l’impunitat que la seguís durant lo periòde dich de democracia dins l’estat espanhòl. Èra fòrça conegut a causa de plusors acusacions fòrça grèvas contra el per de torturas durant lo temps de la dictatura de Franco, quand el trabalhava a la brigada politicosociala del regim. Mas los jutges espanhòls acceptèron pas jamai las acusacions, generalament per prescripcion del delicte.
La justícia argentina n’aviá demandat l’extradicion a mai d'un còp per lo jutjar pels crimes comeses pendent la dictatura franquista. Mas la justícia espanhòla o empediguèt a cada vegada.
Al contrari, recebiá una pension per la vida e l’avián decorat en 1977 amb una medalha d’argent per sos “merits policièrs”, coma o raportava Vilaweb. Pasmens, quitèt lo còrs de la polícia en 1982, sens cessar de percebre sa pension, e foguèt cap de seguretat de divèrsas societats privadas dont Renault Espanha.
Fa un an, un tribunal acceptèt pel primièr còp de dobrir una enquista contra Pacheco e quatre autres policièrs per de crimes contra l’umanitat. Totun, Billy el Niño es mòrt sens que las victimas de las torturas del franquisme ajan pogut veire un bocin de justícia.
Pacheco es un dels simbòls de las torturas de la dictatura franquista e de l’impunitat que la seguís durant lo periòde dich de democracia dins l’estat espanhòl. Èra fòrça conegut a causa de plusors acusacions fòrça grèvas contra el per de torturas durant lo temps de la dictatura de Franco, quand el trabalhava a la brigada politicosociala del regim. Mas los jutges espanhòls acceptèron pas jamai las acusacions, generalament per prescripcion del delicte.
La justícia argentina n’aviá demandat l’extradicion a mai d'un còp per lo jutjar pels crimes comeses pendent la dictatura franquista. Mas la justícia espanhòla o empediguèt a cada vegada.
Al contrari, recebiá una pension per la vida e l’avián decorat en 1977 amb una medalha d’argent per sos “merits policièrs”, coma o raportava Vilaweb. Pasmens, quitèt lo còrs de la polícia en 1982, sens cessar de percebre sa pension, e foguèt cap de seguretat de divèrsas societats privadas dont Renault Espanha.
Fa un an, un tribunal acceptèt pel primièr còp de dobrir una enquista contra Pacheco e quatre autres policièrs per de crimes contra l’umanitat. Totun, Billy el Niño es mòrt sens que las victimas de las torturas del franquisme ajan pogut veire un bocin de justícia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En mai d'aquò, Billy el Nino encaissava de primas per servicis renduts !
Quantas annadas de govèrnament dich socialista (PSOE) en Espanha sens qu'i aja de procés e sens quitament li traire los avantatges autrejats pel franquisme ?
E son aqueles govèrnaments, son aqueles jutges que mantenon los catalans en preson...
Lo franquisme es una gran montanha de victimas e una altra de botxins com aqueste Antonio Gonzalez Pacheco. Esper qu' almanco lo nou Govern de Progrès li retire las medalhas per las torturas e crims que faguet. Que Deu li doni lo sieu merescut.
Billy el Niño es mòrt sense jutjament ? E qué vendràn totes los Jessie Jaime que se passejan encara, tranquilles ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari