Bandièra01 capçalera  1180x150: Novestivada

Actualitats

L’imne occitan per mandar un messatge de mercejament e solidaritat als que nos ajudan cada jorn

Mai d’una desena de personas, de lor domicili estant, an enregistrat una version de l’imne occitan jos l’iniciativa e la direccion de Joanda

De desenas de personas, de lor domicili estant, an enregistrat una version de l’imne occitan per adreiçar “mila mercés” a totes los que nos ajudan cada jorn dins la crisi sanitària que vivèm.
 
Jos la direccion del cantador occitan Joanda, qu’es a l’iniciativa de l’eveniment, e amb l’ajuda del realizaire Jéremy Dirat e la collaboracion de Géraldine Puel, lo vidèo de la cançon se pòt veire suls rets socials (vejatz-lo sus YouTube, Facebook, Instagram e Twitter)
 
L’imne d’Occitània es una cançon d’amor. Saique es lo sol imne d’aquelas caracteristicas. Es precisament sus aquela idèa que Joanda a volgut mandar aquel messatge de mercejament. “Mai que la nocion de «coexisténcia» qu’evòca lo fach de viure los unes al costat dels autres, un dels pilars de la civilizacion occitana repausa sul principi de «convivéncia»: viure los unes AMB los autres”, çò ditz lo musician.
 
En mai d’aquò, Joanda prepausa qu’a “l’ora d’un desserrament del confinament, aquel clip solidari ressone coma un acte de fe en l’avenir”.

 
 

 
 
abonar los amics de Jornalet
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
6.

L'ai fach circular.
Òsca a Joandà e als cantaires !

  • 3
  • 0
francesc palma
5.

Es un imne que pareis del temps dels trobadors, l'amor de lonh, mai enlà de las altas montanhas, e sa musica pla reeissida, segurament lo melhor imne nacional qu' existeis, solament se li poden comparar musicalment l'actual imne l'alemanh, qu' era l'imne d' Austria e Ongria abans de la primera guerra europea, anomenat del Sacre Imperi Roman Germanic. E un altre tamben musicalment força polit lo Btitanic. Mas la letra, l'imne occitan es la melhor. La veritat es que non conec las altras letras, ni s'i ne tenen.

  • 1
  • 0
Bernatmm Tarba
4.

#2
- eStròfa 1 : ....Montanhas tant nautas......empachan de veser mas amors....ont son.
===> arrepic :....ma mia qu'es AL LUENH .
- eStròfa 2 : ....Montanhas que s'abaisheran.....mas amoretas be s'aprocheran.
===> arrepic : .....ma mia qu'es AU PRES.

Que s'en coneishen quantitat de versions antigas, enter Alps e Pireneias.
Ara qu'ei tostemps viua en boca e còr d'un pòble de bona volentat.
Malurosament aqueth pòble qu'ei a cada dia mes aluenhat deras suas lenga e cultura, e a maugrat deth qu'apraubeish eth son pròpi auviatge.

  • 3
  • 0
Joan-Pèire Soulié
3.

#2 se sap plan cossí finiguèt lo Jaufre Rudel per aver pas respectar lo confinament. Mas fin’Amor via skype èra pas encara possible

  • 1
  • 0
Franc Bardòu
2.

Un image plan positiu de nosautres.

Mas perqué "ma mia es al luènh de ieu" ? Distància sanitària ? O preisonièra politica en Espanha ?

  • 14
  • 5

Escriu un comentari sus aqueste article