Bandièra01 capçalera 1180x150: Botiga

Actualitats

InternacionalSocietat

An detectat una respelida del coronavirus en Corèa del Sud

L’executiu de Mun Jaein a barrat totes los bars e discotècas de Seol. Ara s’identificarà e s’examinarà 1510 personas que foguèron dins l’airal afectat

| Yonhap
Una respelida del coronavirus 2019 a obligat lo govèrn sud-corean de barrar los bars e las discotècas de Seol. L’executiu de Mun Jaein (Moon Jae-in) raportèt ièr la deteccion de 34 cases nòus de la Covid-19, la chifra pus nauta en mai d’un mes. Aquel barrament de locals publics s’es decretat per paur que lo virus se torne propagar d’un biais massís.
 
Fins ara, la Corèa del Sud aviá recebut d’elògis mondials per la gestion de la pandemia que l’a menada aquel país. La Corèa del Sud foguèt, d’efièch, un dels primièrs a detectar d’infeccions après que s’identifiquèsse lo virus a Wuhan (China). Mejançant una estrategia agressiva de deteccion e d’isolament, lo govèrn aviá reüssit a conténer l’expansion de la Covid-19.
 
Totun, dissabte, qualques jorns après lo desconfinament —e lo retorn de la liga de fotbòl— lo cònsol màger de Seol decidiguèt de barrar totes los bars e las discotècas de la vila per paur d’una “explosion de las infeccions”. Las autoritats an identificat un jove de 29 ans coma la causa. An raportat que l’òme èra sortit far la fèsta de nuèch aquesta dimenjada dins lo districte popular d’Itaweon. Per evitar l’espandiment de la malautiá, s’identificarà e s’examinarà 1510 personas que rescontrèron aquel òme.

 
   



abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Aquel barrament de locals publics s’es decretat per paur que lo virus se torne propagar d’un biais massís. E plan segur. A l'origina de la pandemia, i aguèt un pacient afectat, e res mai. Ne basta d'un. Tant que los autres, nosautres, non coneissèm immunologicament aquel virus, ne bastarà sempre d'un per o tornar començar tot. La soleta pòrta de sortida efectiva, eficienta, es la vaccinacion generalizada.

  • 9
  • 1

Escriu un comentari sus aqueste article