La liga alemanda de basquet poiriá esser la primièra liga europèa d’aquel espòrt a tornar començar aprèp son arrèst per causa de pandemia. L'idèa seriá de recampar dètz esquipas en un meteis endreit, l'Audi Dome muniquès, per jogar a pòrtas barradas. Es previst d'isolar mai de 200 personas dins una ostalariá sens contacte amb l'exterior. De professionals de santat coma de virològs seràn presents. Aqueste campionaton deuriá durar tres setmanas, çò rapòrta Basket Europe.
 
 
 
Mateu de Gòber