Actualitats
Lo Conselh Constitucional francés ditz que lo confinament es una “privacion de libertat” que pòt pas èsser decretada sens susvelhança judiciària
Los gardians de la Constitucion francesa reclamen qu’un jutge susvelhe las condicions del confinament d’una persona s’aquesta pòt pas sortir almens sus un orari jornadièr de dotze oras
Lo Conselh Constitucional francés a emés una senténcia sus l’estat d’emergéncia sanitària decretada pel govèrn. L’organ constitucional suprèm de l’Estat a validat la màger part del tèxt de la lei votada dissabte passat al parlament mas n’a emendat doas condicions. D’un caire, limita lo nombre de personas que pòdon aver accès a las donadas d’una persona malauta e exigís que se garentisca lo respècte del drech de confidencialitat. D’autre caire, reclama qu’un jutge susvelhe las condicions del confinament d’una persona s’aquela pòt pas sortir almens sus un orari jornadièr de dotze oras. Los gardians de la Constitucion francesa considèran d’efièch que la quarantena es una mesura de privacion de libertat que pòt pas èsser decretada sens vigilància judiciària.
Lo jutjament sus l’adeqüacion d’aquela lei a la Constitucion èra estat sollicitat pel president francés, Emmanuel Macron; lo del Senat, Gérard Larcher; e qualques parlamentaris.
Lo Conselh Constitucional soslinha que l’isolament complet dels cases suspèctes e dels malauts de coronavirus, qu’enebís quina sortida que siá o qu’obliga las gents de demorar dins lor domicili mai de dotze oras cada jorn, es una mesura privativa de libertat que pòt pas èsser dictada pel govèrn o pel parlament mas pel poder judiciari.
Quant a l’isolament, segon lo Conselh Constitucional, lo cal decretar après un certificat medical e se pòt perlongar delà catòrze jorns s’o decidisson tanben los mètges mas es indispensable qu’o autorize un jutge.
Per çò qu’es del tractament de las donadas dels malauts de la Covid-19 e del mond qu’an agut contacte amb eles, se soslinha qu’aquela informacion se deu limitar a lor situacion serologica o virologica.
Lo jutjament sus l’adeqüacion d’aquela lei a la Constitucion èra estat sollicitat pel president francés, Emmanuel Macron; lo del Senat, Gérard Larcher; e qualques parlamentaris.
Lo Conselh Constitucional soslinha que l’isolament complet dels cases suspèctes e dels malauts de coronavirus, qu’enebís quina sortida que siá o qu’obliga las gents de demorar dins lor domicili mai de dotze oras cada jorn, es una mesura privativa de libertat que pòt pas èsser dictada pel govèrn o pel parlament mas pel poder judiciari.
Quant a l’isolament, segon lo Conselh Constitucional, lo cal decretar après un certificat medical e se pòt perlongar delà catòrze jorns s’o decidisson tanben los mètges mas es indispensable qu’o autorize un jutge.
Per çò qu’es del tractament de las donadas dels malauts de la Covid-19 e del mond qu’an agut contacte amb eles, se soslinha qu’aquela informacion se deu limitar a lor situacion serologica o virologica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las personas qu' an un minim de conciencia democratica los ofen molt lo confinament. Està ben que lo Conselh Constitucional Francès, faga vigilar aquesta greva privatizacion de las libertats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari