Actualitats
“Luènh de Roma”: apareisson en Sud-Tiròl de lèmas independentistas escriches en letras de fuòc dins la montanha
Los autors critican la centralizacion de la gestion de la crisi del coronavirus en Itàlia
Divèrses lèmas independentistas an aparegut sus las montanhas de Sud-Tiròl, escriches amb de fuòc, dins la nuèch del 2 al 3 de mai, dins l’encastre de las criticas contra çò que los secessionistas interprètan coma una gestion centralizada de la crisi del coronavirus de part del govèrn italian.
Suls imatges se vei la frasa “Los von Rom” (“Luènh de Roma”), un dels eslogans abituals de l’independentisme sud-tirolés. En d’autras letras de fuòc, s’i legís “Jetzt reicht’s” (“ara n’i a pro”).
Las accions las an realizadas los Schützen, cona o rapòrtan sus lor sit web e sus Facebook. Los Schützen son una organizacion conservatritz independentista que s’inspira d’una anciana milícia de Tiròl.
Lo partit de la drecha independentista Libertat Sud-Tirolesa (Süd-Tiroler Freiheit, STF) tanben n’a partejats los imatges sus aquel ret social e los a qualificats de “messatge clar en tempses durs”.
Los Schützen asseguran que la gestion de la crisi de part del govèrn italian es “catastrofica”, denóncian que non se respèctan pas las competéncias de l’autogovèrn sud-tirolés e remembran que las chifras de mòrts “en Àustria e en Alemanha son fòrça mens significativas”. Far partida d’Itàlia es “fatal”, çò conclutz lo comunicat.
L’accion dels Schützen se faguèt doas nuèches abans que lo ministre dels Afars Regionalas del govèrn italian, Francesco Boccia, vesitèsse Sud Tiròl per s’amassar amb lo govèrn d’aquela província autonòma de la Republica Italiana e ensajar d’arribar a un acòrdi sul desconfinament.
Lo govèrn sud-tirolés, dirigit per l’autonomista Partit Popular de Sud-Tiròl (Südtiroler Volkspartei, SVP), voliá aprovar aquela setmana a l’Assemblada autonòma una lei pròpria pel desconfinament. Mas lo govèrn italian preferiguèt de reportar de qualques setmanas las diferéncias territorialas al retorn a la normalitat.
Aquesta nòva es adaptada de Nationalia, amb qui Jornalet ten un acòrdi de cooperacion.
Suls imatges se vei la frasa “Los von Rom” (“Luènh de Roma”), un dels eslogans abituals de l’independentisme sud-tirolés. En d’autras letras de fuòc, s’i legís “Jetzt reicht’s” (“ara n’i a pro”).
Las accions las an realizadas los Schützen, cona o rapòrtan sus lor sit web e sus Facebook. Los Schützen son una organizacion conservatritz independentista que s’inspira d’una anciana milícia de Tiròl.
Lo partit de la drecha independentista Libertat Sud-Tirolesa (Süd-Tiroler Freiheit, STF) tanben n’a partejats los imatges sus aquel ret social e los a qualificats de “messatge clar en tempses durs”.
Los Schützen asseguran que la gestion de la crisi de part del govèrn italian es “catastrofica”, denóncian que non se respèctan pas las competéncias de l’autogovèrn sud-tirolés e remembran que las chifras de mòrts “en Àustria e en Alemanha son fòrça mens significativas”. Far partida d’Itàlia es “fatal”, çò conclutz lo comunicat.
L’accion dels Schützen se faguèt doas nuèches abans que lo ministre dels Afars Regionalas del govèrn italian, Francesco Boccia, vesitèsse Sud Tiròl per s’amassar amb lo govèrn d’aquela província autonòma de la Republica Italiana e ensajar d’arribar a un acòrdi sul desconfinament.
Lo govèrn sud-tirolés, dirigit per l’autonomista Partit Popular de Sud-Tiròl (Südtiroler Volkspartei, SVP), voliá aprovar aquela setmana a l’Assemblada autonòma una lei pròpria pel desconfinament. Mas lo govèrn italian preferiguèt de reportar de qualques setmanas las diferéncias territorialas al retorn a la normalitat.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tròbi l'argument mai o mens dobtós. A los escotar, aqueles germanics nos daissarián pensar que los ciutadans d'Italia son estats tant malament governats per amor que son governats per d'italofòns. Los germanofòns, eles, se que son estats plan dirigits, per amor que son de germanofòns que los dirigisson. Non me pòdi empachar de pensar qu'aquò pudís al mens un pauc. Urosament que i a los lusofòns de Portugal que son estats encara mièlhs governats que non pas los germanics ! Aquò modèra un pauc la podesina…
Cal èsser clar aquí : o privilegiam l'economia subre l'interès public e los conselhs medicals que lo pòrtan e defendon, o privilegiam l'interès public e los conselhs medicals que los pòrtan subre l'econimia. E segon lo cas, los resultats son fòrça diferents !!! Quinas que sián las lengas…
Manca la version en ladin, per la segonda cultura e lenga del Sud Tiròl
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari