Actualitats
L’Union Europèa vòl restablir la liura circulacion abans l’estiu
Brussèlas prepausa de redobrir las frontièras en tres fasas. Sièis estats europèus las an dobèrtas uèi
Sièis estats de l’Union Europèa (UE) dobrisson uèi lors frontièras. Son Estònia, Letònia, Lituània, Chequia, Alemanha e Àustria. Grècia es a negociar de dobrir las siás amb aqueles sièis estats.
Brussèlas a demandat que se redobrisca las frontièras de l’UE en tres fasas, en foncion de la situacion de l’epidemia dins cada region. Aquel plan va de l’actuala fasa 9, amb de restriccions generalizadas, fins a una fasa 2 de retirament dels contraròtles frontalièrs.
Dins la fasa 1 se levariá las restriccions entre “regions, airals e estats amb una situacion epidemologica positiva similara” e amb pro de capacitat sanitària per contrarotlar lo virus. Se permetrà de viatges per de rasons professionalas e personalas, per exemple, per vesitar la familha dins un autre país, mas tanben per far de torisme.
Lo Centre Europèu de Prevencion e Contraròtle de las Malautiás (ECDC segon sa sigla en anglés) elaborarà una lista amb la situacion epidemiologica de cada país que permeta de los comparar. Puèi, cada estat decidirà d’esperel se lèva las restriccions per viatjar e amb quines païses de l’Union Europèa.
Per la primièra fasa, la Comission Europèa recomanda que los estats e las regions en una situacion positiva similara restabliscan las connexions aerianas pas sonque amb lors païses vesins mas tanben amb los païses que son dins la meteissa fasa epidemiologica. Ansin Brussèlas crei que se poiriá salvar una part de la sason toristica. A mai, daissa la pòrta dobèrta a de movements entre de païses ont lo nivèl epidemiologic siá diferent. “En cas que la situacion epidemiologica siá mens similara, se pòt aplicar de mesuras addicionalas”, çò ditz lo tèxt.
Brussèlas recomanda de passar d’una fasa una autra d’un biais “flexible”, en reculant se cal. Exigís tanben que se discrimine pas los viatjaires en foncion de lor ciutadanatge. Dich d’una autra manièra, quand un estat decidirà de redobrir de frontièras amb un autre estat de l’UE, la mesura se deu aplicar a totes los ciutadans de l’UE dins aquel país. Reclama tanben als govèrns europèus una bona coordinacion a l’ora de levar las restriccions.
Philippe vòl que lo torisme foncione normalament aqueste estiu
Mentretant, en França, lo primièr ministre Édouard Philippe assegura que “los franceses poiràn partir en vacanças en julhet e agost”.
Brussèlas a demandat que se redobrisca las frontièras de l’UE en tres fasas, en foncion de la situacion de l’epidemia dins cada region. Aquel plan va de l’actuala fasa 9, amb de restriccions generalizadas, fins a una fasa 2 de retirament dels contraròtles frontalièrs.
Dins la fasa 1 se levariá las restriccions entre “regions, airals e estats amb una situacion epidemologica positiva similara” e amb pro de capacitat sanitària per contrarotlar lo virus. Se permetrà de viatges per de rasons professionalas e personalas, per exemple, per vesitar la familha dins un autre país, mas tanben per far de torisme.
Lo Centre Europèu de Prevencion e Contraròtle de las Malautiás (ECDC segon sa sigla en anglés) elaborarà una lista amb la situacion epidemiologica de cada país que permeta de los comparar. Puèi, cada estat decidirà d’esperel se lèva las restriccions per viatjar e amb quines païses de l’Union Europèa.
Per la primièra fasa, la Comission Europèa recomanda que los estats e las regions en una situacion positiva similara restabliscan las connexions aerianas pas sonque amb lors païses vesins mas tanben amb los païses que son dins la meteissa fasa epidemiologica. Ansin Brussèlas crei que se poiriá salvar una part de la sason toristica. A mai, daissa la pòrta dobèrta a de movements entre de païses ont lo nivèl epidemiologic siá diferent. “En cas que la situacion epidemiologica siá mens similara, se pòt aplicar de mesuras addicionalas”, çò ditz lo tèxt.
Brussèlas recomanda de passar d’una fasa una autra d’un biais “flexible”, en reculant se cal. Exigís tanben que se discrimine pas los viatjaires en foncion de lor ciutadanatge. Dich d’una autra manièra, quand un estat decidirà de redobrir de frontièras amb un autre estat de l’UE, la mesura se deu aplicar a totes los ciutadans de l’UE dins aquel país. Reclama tanben als govèrns europèus una bona coordinacion a l’ora de levar las restriccions.
Philippe vòl que lo torisme foncione normalament aqueste estiu
Mentretant, en França, lo primièr ministre Édouard Philippe assegura que “los franceses poiràn partir en vacanças en julhet e agost”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Union Europèa cambia pas : primièr la santat de l'economia, après pels òmes, veirem ben. Se prenem un autre carpan, que ne dison 2a èrsa, i aurà de responsables davant los tribunals?
L’Union Europèa vòl restablir la liura circulacion del virus abans l’estiu, per far dintrar la moneda. La vida de las gents, aquò rai ! Tot fa ventre…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari