Actualitats
R.D. Còngo: d’esperantistas de pertot se mobilizan per ajudar la vila d’Uvira
Desenas de mòrts jos la fanga e los tarcums, centenats d’ostals destruches, manca d’aiga potabla, propagacion de malautiás, famina, inseguretat e sacatges son lo tragic bilanç que patís aquela vila congolesa
Uvira es una vila de 871 000 abitants al nòrd-èst de la Republica Democratica de Còngo près de la frontièra amb Burundi, a la ribièra del lac Tanganyka. Pendent la nuèch del 17 al 18 d’abril passats, a causa de las fòrtas pluèjas, lo lac e lo riu Mulongwe se desbordèron en provocant la destruccion d’una centena d’ostals. Totjorn a l’espèra d’un bilanç oficial, se calcula de de desenats de personas serián mòrtas enterradas jols tarcums e la fanga. La sola infrastructura que portava d’aiga potabla a la vila es estada destrucha. Los abitants subrevivon coma pòdon refugiats dins de glèisas e de bastissas publicas.
En consequéncia se son a propagar de malautiás coma la malària, l’ebòla, de malautiás coronàrias, de malautiás de la pèl, colèra. La famina e l’inseguretat creisson e se multiplican los panatòris e los sacatges.
Una granda comunautat esperantista
La comunautat esperantista d’Uvira es coneguda per èsser de las mai joves e de dinamicas de la planeta. Mai de cent locutors de la lenga internacionala d’aquela vila an donat vida al movement internacional per la democracia lingüistica.
Ara la comunitat esperantista internacionala s’es mobilizada per ajudar Uvira. L’Associacion Internacionala d’Esperanto recuèlh de dons sul sit: uea.org/alighoj/donacoj/espero
Un exemple de l’activitat esperantista d’Uvira lo trobam al filme La Venĝemo (Lo Rancor), un dels tres filmes qu’an realizat e protagonizat los joves esperantistas de la vila:
En consequéncia se son a propagar de malautiás coma la malària, l’ebòla, de malautiás coronàrias, de malautiás de la pèl, colèra. La famina e l’inseguretat creisson e se multiplican los panatòris e los sacatges.
Una granda comunautat esperantista
La comunautat esperantista d’Uvira es coneguda per èsser de las mai joves e de dinamicas de la planeta. Mai de cent locutors de la lenga internacionala d’aquela vila an donat vida al movement internacional per la democracia lingüistica.
Ara la comunitat esperantista internacionala s’es mobilizada per ajudar Uvira. L’Associacion Internacionala d’Esperanto recuèlh de dons sul sit: uea.org/alighoj/donacoj/espero
Un exemple de l’activitat esperantista d’Uvira lo trobam al filme La Venĝemo (Lo Rancor), un dels tres filmes qu’an realizat e protagonizat los joves esperantistas de la vila:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari