Los darrièrs benevòls arribats als camps de refugiats sirians d'Idlib, près de la frontièra amb l’estat turc, an pas portat de potingas ni de manjar; son de cofaires benevòls que s’i son gandits anats talhar lo pel als enfants. Tanben dins aqueles camps lo servici de cofadura èra un dels mai esperats dins un temps de confinament, ont ara los enfants an pas mai d'escòla ni d'obradors.
 
La sesilha de cofadura s'es completada amb de jòcs per aduire un sosten psicologic a aqueles enfants.
 
Oficialament, i a pas cap de cas confirmat de Covid-19 dins aquela region del nòrd-oèst de Siria, e dins tot l’estat sirian se compta solament 19 infectats, segon las donadas oficialas del govèrn de Bashshar Al Asad. Mas aquelas donadas son pas gaire tranquillizantas se prenèm en compte que los espitals son destruches e los camps de refugiats desbordats. Dins aquel encastre, la mendre epidemia se poiriá tresmudar en un desastre umanitari enòrme.
 
Mentretant, dins aquela region del nòrd de Siria, los abitants espèran que lo chepic mondial pel coronavirus s’esperlongarà lo mai de temps possible. Per eles, la crisi sanitària a entraïnat un arrèst dels bombardaments.
 

Volunteer hairdressers from the International Association for Relief and Development (ONSUR) wearing face masks and gloves cut the hair of internally displaced children, ahead of the Eid al-Fitr Muslim holiday, at an IDP camp in Idlib, Syria
Credit: REUTERS/Khalil Ashawi pic.twitter.com/ScqBRh6xzb

— Pixiedust (@PixiedustJtT) May 21, 2020