Bandièra01 1180x150: La Passem

Actualitats

PoliticaSocietat

Lo parlament francés a aprovat l’usatge de la polemica aplicacion Stop Covid

L’esplech fonciona via Bluetooth e raportarà las personas qu’an agut un contacte amb qualque infectat de la malautiá

La notícia sus la confidencialitat de l'aplicacion es plan curiosa
La notícia sus la confidencialitat de l'aplicacion es plan curiosa | @kaepora
Los deputats franceses an aprovat l’usatge d’una aplicacion per telefòns intelligents per contrarotlar la covid-19. Nomenada Stop Covid, l’aisina fonciona via Bluetooth e raportarà las personas qu’an agut un contacte amb qualque infectat de la malautiá. La decision l’an presa los deputats en seguida d’un intens e polemic debat parlamentari sus las libertats, lo drech a l’intimitat e la proteccion de las donadas.
 
D’un caire, lo ministre de la santat, Olivier Véran, a revendicat sa “libertat de descargar o non descargar l’aplicacion que nos protegís”. De l’autre, lo cap de l’oposicion ditz qu’es ineficaç car lo 25% dels ciutadans franceses an pas de telefòns intelligents.
 
La controversiada proposicion a tanben obtengut l’aprobacion del Senat, ont la drecha classica es majoritària. Lo vòte de las cambras èra pas constrenhent, mas l’executiu voliá que l’iniciativa aguèsse lo sosten del parlament.
 
Lo descargament es pas obligatòri mas se qualqu’un l’installa sus son aparelh, l’aplicacion enregistra anonimament d’autres usatgièrs que son estats en contacte almens pendent 15 minutas a mens d’un mètre de l’usatgièr. S’una d’aquelas personas es positiva al coronavirus, l’aplicacion o detècta e o rapòrta als usatgièrs qu’an tengut contacte amb aquela persona en los encoratjant de vesitar lo mètge.
 
La causida d’Stop Covid s’anoncièt lo 8 d’abril e tre alavetz es fòrça criticada, quitament demest la majoritat parlamentària. Mas las criticas pus fòrtas venon de las organizacions umanitàrias e de l’oposicion politica.
 
Segon un sondatge, un 45% dels ciutadans de la republica francesa refusa de solucions d’aquela mena a causa de la pèrda d’intimitat del contraròtle sus la persona.

 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Black Blòc Joe
5.

La nocion de "telefòns intelligents" me despassa complètament. Çò mai intelligent es d'aver pas de telefòn !!!

  • 7
  • 0
Guilhabèrt de Castras Montsegur
4.

Se que non, avètz tanben l'estela jauna, pels colpables d'eresia !… Abans lo fòc purificator d'autodafè, plan segur. Per tuar la virusalha, coma a l'autoclava…

  • 7
  • 0
Pitaluga
3.

#2
A! l''estela jauna! O una simple marca jauna , qu'aquò nos remembrariá lo rei preferit de Michelet, lo Louis IX, que d'arpalhands coma el (lo rei) ne faguèron un sant e que de laïcs manjacrestians coma lo susdich an adoptat sens vergonha de contravenir a lor ideologia de pacotilha. Fan flècha de tota fusta aqueles maufatans!

  • 6
  • 0
Mèfi! 31
2.

Se pòt suggerir de bailar uns vesibiltat (pr'exèmple, estèlla jauna, als pestiferats...mas aquò es mens experimental.., traçament...

  • 10
  • 0
Papioli
1.

Jornalet a totjorn dich ; òc nòstres monsurs.
Lo monsur quò es l'estat, le sistem economic financier,industrial, scolari, universitari, medicau, scientific, ...que seria au-dessus de tota critica.

Uei, jornalet se plaça au-dessus de la valetalha coma un bon espectator que seria pas concernar per l'una o l'autra de las partidas. Mas, que podam esperar de mai, d'enseinants plan endoctrinats per una educacion de merda?

  • 0
  • 22

Escriu un comentari sus aqueste article