Bandièra01 capçalera  1180x150: Novestivada

Actualitats

La brutalitat de la polícia estatsunidenca contra los manifestants

Las protèstas per l’assassinat de George Floyd s’estendon per tot lo país del temps que los rets socials denóncian d’excèsses policièrs extrèms. Trump declara terrorista lo movement antifaissista

Las protèstas per l’assassinat de George Floyd, tuat per un policièr a Minneapòlis, se son espandidas per totes los Estats Units. De centenats de milièrs de manifestants an pres las carrièras de las principalas vilas, e dins la capitala, Washington DC, son arribats a las pòrtas de l’Ostal Blanc. Segon lo bilanç de ièr dimenge, i aviá environ 14 000 personas detengudas e almens tres mòrts a causa de las violéncias policèras.
 
Après que quinze vilas declarèron lo cobrifuòc, los rets socials son venguts comols d’imatges que mòstran d’abuses e d’excèsses per part de la polícia. Per exemple, a Nòva York un veïcul de la polícia se roncèt sus la molonada en reversant los manifestants que li barravan lo passatge. A Los Angeles, un grop d’agents a assautat una veitura ont i aviá doas personas afroamericanas, una l’an extracha de l’automobila per fòrça del temps que lo menaire l’immobilizavan amb una arma d’electrochòc, e mai mostrèsse pas cap de resisténcia de cap de sòrta.


Trump declara terrorista lo movement antifaissista
 
De son latz, lo president Donald Trump lança una ofensiva legala contra las protèstas. D’efièch, après cinc nuèches de manifestacions e susmautas, anoncièt ièr que considerariá lo movement antifaissista coma una organizacion terrorista, e lo compara ara amb l’autoproclamat Estat Islamic o amb Al Qaida.
 


abonar los amics de Jornalet

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Los policiots iancos filhs d'Abram Lincol lo boxador, fent assassinats racistas. Colha de fachistas racistas nazis !!

  • 2
  • 0
Franc Bardòu
2.

Donald Trump anoncièt ièr que considerariá lo movement antifascista coma una organizacion terrorista, e lo compara ara amb l’autoproclamat Estat Islamic o amb Al Qaida. Valent a dire que se declara tacitament coma profacista ? E que de tuar de ciutadans per carrièras sonque per un contraròlte de polícia non es de terrorisme ? Vertat es qu'aquò non risca de terrorisar degun, vertat ?

Aquò me remembra mon papet que, passat pendent tres ans dins lo maquís gascon de Bocona, al sortir de Tolosa, passava per un terrorista al nivèl de la milícia petainista e de la Deutsche Polizei…

  • 10
  • 4
Z
1.

Trump en preson

  • 3
  • 2

Escriu un comentari sus aqueste article