Actualitats
Lo Prèmi Ostana se tendrà deman e dissabte dins una emission de 15 oras sus Internet
La Chambra d’Òc organiza ongan un eveniment especial amb la participacion dels laureats precedents. Una emission en dirècte en 37 lengas
Comença deman la 12a edicion del Prèmi Ostana, escrituras en lenga maire, que normalament guierdona los activistas de las lengas minorizadas. S’agís d’un grand eveniment menat a bon tèrme per la Chambra d’Òc, segon çò que rapòrta lo Comitat Internacional per las Libertats Etnicas (IKEL segon sa sigla en esperanto)
Coma cada an, l’eveniment se tendrà a Ostana (Val Pò), mas ongan, a causa de la crisi sanitària de la covid-19, l’eveniment serà una retransmission en dirècte sus Internet los 5 e 6 de junh. Per aquesta rason, los organizaires an decidit d’autrejar pas los prèmis mas d’amassar los laureats de las annadas precedentas e lors lengas dins una emission per videoconferéncia.
Fins ara, lo Prèmi Ostana, escrituras en lenga maire, a mes a l’onor 37 lengas dels 5 continents: albanés de Kosova, amazigh de Cabilia, armèni, basco, breton, catalan, chovash, cimbri, curd, ebrieu, eslovèn, even, friolan, frison, gaelic irlandés, galèc, galés, grecocalabrés, guaraní, huave, innu, ioruba, ladin, maltés, maòri, mazatèca, neonorvegian, occitan, ròm, romanch, sami, sarde, sheiene, shuar, tibetan, totonaca e walser.
La majoritat d’aquelas lengas las poiretz ausir dins l’emission d’aquesta dimenjada, un eveniment de 15 oras los 5 e 6 de junh. Per seguir l’emission cal vesitar lo sit premioostana.it.
Coma cada an, l’eveniment se tendrà a Ostana (Val Pò), mas ongan, a causa de la crisi sanitària de la covid-19, l’eveniment serà una retransmission en dirècte sus Internet los 5 e 6 de junh. Per aquesta rason, los organizaires an decidit d’autrejar pas los prèmis mas d’amassar los laureats de las annadas precedentas e lors lengas dins una emission per videoconferéncia.
Fins ara, lo Prèmi Ostana, escrituras en lenga maire, a mes a l’onor 37 lengas dels 5 continents: albanés de Kosova, amazigh de Cabilia, armèni, basco, breton, catalan, chovash, cimbri, curd, ebrieu, eslovèn, even, friolan, frison, gaelic irlandés, galèc, galés, grecocalabrés, guaraní, huave, innu, ioruba, ladin, maltés, maòri, mazatèca, neonorvegian, occitan, ròm, romanch, sami, sarde, sheiene, shuar, tibetan, totonaca e walser.
La majoritat d’aquelas lengas las poiretz ausir dins l’emission d’aquesta dimenjada, un eveniment de 15 oras los 5 e 6 de junh. Per seguir l’emission cal vesitar lo sit premioostana.it.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Veirem lo qu' es tot aissò de tantas lengas a l'encò.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari