Bandièra01 1180x150: La Passem

Actualitats

InternacionalPoliticaSocietat

Minneapòlis: lo conselh municipal s’es engatjat a dissòlver la polícia e a la remplaçar per un sistèma de seguretat publica

Aquel engatjament es una granda victòria pel movement estatsunidenc que cèrca de dissòlver los còrses de polícia e las presons, que los considèra coma los principals elements de la violéncia e del racisme institucional

| Xesco Reverter
Lo conselh municipal de Minneapòlis s’es engatjat a dissòlver lo departament de la polícia e a lo remplaçar per un nòu sistèma de seguretat publica, après que l’agent Derek Chauvin tuèt George Floyd davant tres autres policièrs que faguèron pas res per empachar l’omicidi.
 
Nòu dels dotze membres del conselh municipal an assegurat que volián “desmantelar” e “abolir” lo “còrs de polícia” e lo remplaçar per un sistèma de seguretat dirigit per la comunautat. Lo cònsol màger de la vila, Jacob Frey, es lo que baileja la polícia, mas lo conselh a l’autoritat sus las finanças e ne poiriá dissòlver lo còrs mejançant la reduccion del budget.
 
Aquel engatjament es una granda victòria pels activistas del movement estatsunidenc que demanda de dissòlver los còrses de polícia e las presons, pr’amor que los considèra coma los principals elements de la violéncia e del racisme institucional als Estats Units.
 
“A Minneapòlis e dins de vilas de totes los Estats Units, es evident que nòstres sistèmas de polícia mantenon pas la seguretat de nòstras comunautats”, çò a assegurat Lisa Bender, presidenta del conselh. “Nòstres esfòrces de reformar lo sistèma an mal capitat. Nòstre engatjament es de far tot çò necessari per la seguretat de totes los ciutadans e de dire la vertat: la polícia de Minneapòlis o fa pas. Nòstre engatjament es de metre fin al sistèma de la polícia tal coma lo coneissèm, e de crear un sistèma de seguretat publica que garentisca nòstra seguretat”, çò a conclutz.
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Crec que es la mai bona solucion de totas, disoldre a aquesta vergonhosa policia de la Ciutat qu' a assassinat, posant lo genolh damunt lo col, un ciutadan.

  • 2
  • 0
Romèga Los Bartasses
2.

Èi paur que tot aquò siague pas gaire mai qu’una granda operacion de comunicacion, per temptar de calmar la colèra de las que son per las carrièiras. I a una vila que fa las prumièiras paginas dels mediàs als Estats units ara perqué dissolguèt sa policia en 2013. Mès i a ara un autre servici de policia qu’es mai o mens lo meme, ame los memes policièrs e una politica apena diferenta, qu’es de secutar las gents per de delictes minimes (la famosa tolerància zerò) ame de cameràs pertot per susvelhar los abitants. Es pas exactament un modèl de progressisme.

La Despacha a publicat un article que’n parla:
https://www.ladepeche.fr/article/2017/06/11/2591885-camden-reforme-police-fait-printemps.html

Mès òm pòt se regaudir que los notables respectables dal conselh municipal de Minneapolis, que dirigisson la repression racista contra los paures de lor vila dempèi d’annadas, ajon paur de lor pòble jusqu’al punt de prendre una tala decision. (meme simbolica) Esperi res que lo moviment qu’a començat de prendre las carrièiras contunharà malgrat la repression estatala e las manipulacions politicianas.

  • 4
  • 0
Peta si Quò
1.

Lol sei impacient de veire quò.

  • 2
  • 0

Escriu un comentari sus aqueste article