Bandièra01 capçalera  1180x150: Novestivada

Actualitats

Vauriàs: una nòva calandreta

Serà la 65a escòla associativa en occitan del país e la 3a de Provença

| La calandreta de Valréas
Una nòva escòla Calandreta va dobrir dins la rintrada que ven a Vauriàs (Enclava dei Papas), çò rapòrta Aquò d'Aquí. Las inscripcions son ja dobèrtas. Serà la 65a escòla associativa immersiva en occitan e la tresena de Provença. La còla pedagogica e associativa es compausada de Mireille Roubé (directritz), Elodie Coudert e Erika Perdriol, e s’i aculhirà d'enfants de 2 a 4 ans, per un ensenhament mairal.
 
Ara per ara, los parents inscriches son a preparar lo local mes a disposicion per la comuna, en fàcia de l’Ostal de l'Enfança. L'escòla ten mai de 100m2 per una sala de classa, un espaci de dormida e una cosina.
 
Mentretant, a Niça anóncian que la calandreta d'aquí va renàisser lèu.
 
Las calandretas son d’escòlas laïcas e associativas qu’an un contracte amb l’estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha e los parents se pòdon engatjar dins lo projècte fins ont voldràn. En mai d’aquò, cada calandreta a una relacion de proximitat amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts. La primièra calandreta se fondèt a Pau en 1979.

 
 



 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Òsca ! Cada novèla calandreta es un pas endavant.
E Provença n'a tras que besonh, amb son president "sudista" e sos electors "marechalistas"..

  • 3
  • 1
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
1.

Tota nòva calandreta es un codil 1 endavant, n’en podèm èsser regaud amai se sabèm qu’es pocana e qu’aurà pas grand aflat sus l’abordiment de nòstra lenga, en qualitat e en locutors. Aquò rai es un signe positiu d’espèr.

Que podèm far ça diretz…

Totis sèm consents per diser que cal far plan mai, una de las grandas escomeza nòstra es de sensificar lo pòble occitan dins totis los nivèls de la societat.

Per l’ora avèm pas pogut nos parar de sensificar sonque los ultrà-esquerristas, e enquèra n’en soi pas segur an d’autras tissas inavodablas, qu’an la panta de voler tot petar a tot estralh e que veson aqui un mejan de s’engulhar dins la frucha redonda e bèla. De per bona astrada es pas madura !

Lo taus de capitada nòstra sarà a la rataporcion del convenciment dels autres nivèls de la societat occitana.
Se cal afanar d’aqui estant que la societat occitana d’un band de desoccitaniza ambe granda aviadessa e d’un autre demesís en nombre e dintra de fach en concurencia ambe d’autres d’autras culturas qu’an pauc d’atrag per nòstra cultura minorizada e que penson mailèu d’espandir la cultura lora.

1 Tres codils fan gaireben un metre.

  • 13
  • 5

Escriu un comentari sus aqueste article