Bandièra01 1180x150: Comuna de Tolosa

Actualitats

InternacionalPoliticaSocietat

Las armadas d’Índia e de China se son afrontadas en Cashmir

Mai d’un vintenat de soldats mòrts dins un afrontament a còps de mans e de bastons sus la frontièra pus nauta e disputada de la planeta

Las armadas d’Índia e de China se son afrontadas dins l’airal de Galwan, un enclavament de l’Imalaia disputat entre los dos estats. Aquesta batalha particulara l’an tenguda sens armas de fuòc mas amb de pèiras, de bastons e las mans. Las autoritats indianas rapòrtan un vintenat de soldats tuats de lor costat e asseguran que tanben i a de mòrts del costat chinés, mas Pequin o confirma pas e a pas citat cap de chifra. Las bassas temperaturas d’aquelas montanhas, las pus nautas de la planeta, son mai que mai la causa del tragic bilanç d’aquela batèsta entre las doas armadas.
 
L’eveniment a fach montar la tension entre China e Índia que revendican de zònas de Cashmir. La rèsta del Mond es inquiet per las tensions entre dos estats que son de poténcias nuclearas.
 
L’encastre del conflicte se tròba sus la frontièra considerada coma la pus complèxa del Mond e que devesís Cashmir entre los estats chinés, indian e paquistanés. Tres poténcias nuclearas qu’ocupan un país que revendica sa sobeiranetat mas qu’es de mai en mai reprimit, sustot per Índia. A mai, la partida chinesa de Cashmir es la que ten l’estrada que jonh los dos territòris que tenon de conflictes nacionals amb l’estat chinés: Tibet e Xinjiang, ont demòran los oigors.
 
Vejatz la complexitat d’aquela frontièra sus aquesta mapa de Vilaweb.
 

 
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

S' es volen pegar qu' es peguen bufetadas e pinhas, mas que non es maten. Coma se fos un combat de rubbi e que i aja un arbit per evitar major desgracias.

  • 1
  • 0
Franc Bardòu
1.

Dètz mila ans de civilizacion d'un costat, e cinc mila de l'autre. E tot çò que tròban de bon far, es de ficar pel morre ? E, daissatz-me devinhar : totes èran d'òmes, non ?

  • 5
  • 0

Escriu un comentari sus aqueste article