Actualitats
Alemanha entamena un plan de chòc per combatre l’extrèma drecha dins las Fòrças Especialas de l’Armada
Una de las companhiás serà dissòuta e la rèsta serà reformada e susvelhada
Lo darrièr incident que toquèt las KSK aguèt luòc lo mes de mai passat, quand s’arrestèt un de sos membres qu’aviá amagat d’explosius, d’armas e de municions dins son jardin. Una part d’aquel material l’aviá sostrach a l’armada. A mai, aviá d’objèctes d’enaurament del nazisme.
Segon Kramp-Karrenbauer, la part de las Fòrças Especialas que serà pas dissòuta serà somesa a una reforma draconiana e plan susvelhada. La ministra se resèrva l’aplicacion d’autras mesuras, sens escartar la dissolucion e la reconstitucion totala del còrs.
Kramp-Karrenbauer a assabentat la Comission de Defensa del parlament de son intencion, fruch de deliberacions amb un grop de trabalh constituit en mai passat per aviar una “analisi estructurala” de las KSK.
Aquelas fòrças d’elèit de l’armada, environ 1400 soldats, se son trobadas implicadas dins las darrièras annadas en plusors escàndols restacats a la presumida integracion de divèrses membres dins de cellulas d’ideologia ultradrechista.
Un d’aqueles membres, conegut amb l’escais d’Annibal, dirigissiá un ret descobèrt en 2017 e integrat en granda part per de militars e policièrs, qu’amontonavan de municions e d’armas que devián èsser prèstas, çò sembla, dins una futura guèrra civila. Segon d’enquistas de cèrts mèdias alemands, qualques unas d’aquelas cellulas avián quitament planificat d’atacas contra d’elegits e de figuras de la vida publica.
Germany's elite force KSK commando, which has come under growing criticism over right-wing extremism, 'to be partially disbanded' https://t.co/RMQbvZB2tz
— BBC News (World) (@BBCWorld) June 30, 2020
Felicitem la ministra alemanya Annegret Kramp-Karrenbauer per aquesta decisió. És responsabilitat dels governs assegurar el comportament democràtic de les forces policials.
— XarxaFamiliarsDeting (@XAFD_Cat) June 30, 2020
Un desig que volem per al nostre país. @govern@OSPDH1@sindicdegreuges@plataforma3o@centre_IRIDIA
Die Missstände beim KSK wurden zuletzt immer eklatanter. Annegret Kramp-Karrenbauer spricht über eine Neuordnung der Truppe, die Fahndung nach verschwundenem Sprengstoff und die Frage, ob Frauen in Zukunft Teil der Spezialkräfte sein könnten #SZPlushttps://t.co/Z77HwwOmWx
— SZ Politik (@SZ_Politik) June 30, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ja Hitler trabalhava com a un acusador acueta de l'exercit alemanh,e junt amb la policia e lo gran capital conseguí l'ajuda que necessitava per granhar las eleccions o melhor dit far lo cop d'estat. Es atal amics, e quan entraren los ianquos no feren neteja de nazis e a vagades los posavan a locs importants dins l'exercit americon.
Supèr article! Mercés!
E per çò que n'es dels ultradreitistas apartenent manifèstament a las fòrças de "manten de l'òrdre" establit, en França, an pensat tanben a préner mesuras de las draconianas ? Cal dire que l'òrdre establit non se manten mai que mercés a aquelas fòrças ; alavètz, risca d'èsser plan mai complicat de n'esprugar la pèsta bruna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari