La Télé Buissonnière prepausa una emission de 17 minutas e mièja en occitan a l’entorn de Pascala Respaud del grop Revelhet. Entitolada “Voses de femnas”, l’emission del mèdia documentari participatiu del departament d’Arièja consagra un filme a l’univèrs de las musicas e dels cants de Respaud e de las femnas que l’an acompanhada dins son percors e que li an inspirada son trabalh de creacion.
 
Lo combat de Pascala Respaud per far viure la lenga occitana l’an plan comprés la còla d’aquel mèdia. E mai sián d’expression francesa, aquesta emission l’an facha completament en occitan.
 
Pascala Respaud viu dins un petit vilatge del País de Seron, just ont los dialèctes gascon e lengadocian se sarran. Amb son grop Revelhet compausan de cançons, dison de contes, organizan de concèrts, de balètis, d’espectacles de contes, d’obradors de cant per far “un shic mès de transmission de l’occitan.
 

 
 
La còla de l’ADÒC n’aviam ja fach una emission dins l’#aranésòc de la television barcelonesa Betevé e un vidèo dins lo projècte de Eth Ligam Occitan.