Actualitats
Nimes: innovanta e reüssida 44a Universitat Occitana d’Estiu
Consagrat al tèma “Èsser occitan deman” amb una jornada dedicada a Joan Bodon, l’eveniment ongan s’es retransmés en dirècte sus Internet e ara se’n pòt recuperar los vidèos
S’acabèt ièr divendres a Nimes la 44a edicion de l’Universitat Occitana d’Estiu, un rendètz-vos estival a l’entorn de l’actualitat dels sabers, del debat d’idèas e del rencontre cultural. Ongan, lo programa a virat a l’entorn del tèma “Èsser occitan deman”, e a prepausat una seguida de taulas redondas e conferéncias mas tanben de presentacions de projèctes innovants e d’estudis scientifics, d’innovacion pedagogica, de literatura, de poesia, sus Internet... Ièr, tota la jornada foguèt consagrada a Joan Bodon a l’ocasion del centenari de sa naissença.
Coma cada an, Ràdio Lenga d’Òc a portat son platèu sus plaça per assabentar de l’Universitat, e mai ongan l’a retransmesa en dirècte.
En mai d’aquò, l’organizacion a publicat sus sa pagina Facebook totes los vidèos de totes los eveniments de la setmana. Es pas necite d’aver un compte sus aquel ret social per poder agachar los filmes e seguir las conferéncias, las taulas redondas, los debats, los concèrts...
L’Universitat Occitana d’Estiu de Nimes es organizada per la Maison per l’Animacion e la Recèrca Populara d’Occitània (MARPÒC) que fa partida de l’IEO de Gard.
Coma cada an, Ràdio Lenga d’Òc a portat son platèu sus plaça per assabentar de l’Universitat, e mai ongan l’a retransmesa en dirècte.
En mai d’aquò, l’organizacion a publicat sus sa pagina Facebook totes los vidèos de totes los eveniments de la setmana. Es pas necite d’aver un compte sus aquel ret social per poder agachar los filmes e seguir las conferéncias, las taulas redondas, los debats, los concèrts...
L’Universitat Occitana d’Estiu de Nimes es organizada per la Maison per l’Animacion e la Recèrca Populara d’Occitània (MARPÒC) que fa partida de l’IEO de Gard.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari