Bandièra01 1180x150: País Invisible

Actualitats

Al Bascoat e en Galícia, an enebit de votar los malauts de la covid-19

Lo dimenge passat foguèt una jornada electorala importanta al Bascoat, en Galícia e Polonha

Dimenge passat, se tenguèt una jornada electorala importanta en Euròpa. D’un caire, i aguèt d’eleccions regionalas en Galícia e dins la Comunautat Autonòma del Bascoat, ont l’independentisme pòt aténher de resultats clau. De l’autre, se faguèt lo segond torn de la presidenciala en Polonha amb l’escasença de traire l’extrèma drecha de las institucions.
 
Jornalet vos pòt pas ofrir uèi los resultats d’aqueles vòtes, a causa de la precarietat dins la quala trabalham dempuèi lo mes de març passat. Mas esperam de ne poder far un rapòrt coma cal dins los jorns avenidors.
 
Podètz seguir los resultats amb aquestes ligams:  
 
Los infectats de la covid-19 sens drech de vòte
 
Demest los quatre milions de personas cridadas a votar en Galícia e al Bascoat occidental, unes cinc cents ciutadans poiràn pas votar pel fach qu’an agantat la covid-19. Los conselhs electorals correspondents, e quitament las autoritats regionalas, an enebit d’anar votar lo mond infectats per la covid-19 sens pensar a cap mecanisme alternatiu de vòte. E mai an avertit que los qu’o farián serián denonciats per de delictes contra la santat publica.
 
Aquela mesura es considera antidemocratica per fòrça partits e ciutadans.

 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

artur quintana i font la Codonyera (Aragon)
2.

Desencusatz: las eleccions an estat feitas en Bacoat Occidental, tal coma vosaltres disètz..

  • 1
  • 0
Alain Fabre
1.

An enebit bascoats e galicians portaires del covid 19? Aquò devria suffire per anullar lo vòte! E far una accion en justícia contra los organisators del escrutin!

  • 9
  • 0

Escriu un comentari sus aqueste article