Bandièra01 1180x150: La Passem

Actualitats

EscòlaInternacionalPolitica

Sent Pèr d’Irúber: lo rectorat refusa una classa immersiva en basco perque seriá “inconstitucionala”

Lo rectorat de Bordèu invòca la Constitucion francesa per s’opausar a un projècte de classa immersiva demandat pels parents

| Bob EDME
La rectritz de l’acadèmia de Bordèu (circonscripcion escolara que pertòca tanben lo Bascoat Nòrd) s’es opausada a la dobertura d’una classa immersiva en basco a Sent Pèr d’Irúber (en basco Hiriburu). Lo president de l’Ofici Public de la Lenga Basca (OPLB), Beñat Arrabit, a manifestat als mèdias son “incompreneson” e son “indignacion”. La decision academia daissa 18 joves del vilatge de petita e mejana seccions sens escolarizacion en lor lenga. Aquel tipe d’ensenhament se realiza ja dins 38 escòlas publicas e privadas del costat nòrd del Bascoat.
 
La rectritz s’es opausada al projècte en invocant la lei del 26 de julhet de 2019 “per una escòla de la fisança” que rend l’institucion obligatòria dempuèi l’edat de 3 ans e en i associant lo fach que “la Constitucion de 1958 prevei dins son article que l’instruccion obligatòria es dispensada en francés «lenga de la Republica»“. Per aquelas rasons, lo rectorat a dich que “pòt pas pus autorizar de nòvas experimentacions”.
 
La reaccion de l’OPLB es estada ferma. D’un caire, meton en question que la Constitucion francesa diga que “la lenga d’instruccion” siá lo francés. D’autre caire, jutjan “brutalas ”la decision e son argumentacion,  e remembran que la classa es una iniciativa dels parents d’escolans del public.
 
 



 





abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
3.

Òu, Castèths ! Es aquò la France dels territòris ? Mai e jacobinisme ?

  • 5
  • 1
Loïson Ispora
2.

Arron las atacas contra l'occitan gueratz adara que n'an après lo basco. Après las reformas deu licèu e deu collègi qu'èra clar qu'anavan har en davant l'escòla obligatòria a 3 ans entà arroeinar l'ensenhament bilingüe. Mei generaument que sembla lo rebat d'ua crispacion identitària deu costat de l'Estat.

  • 10
  • 1
Black Blòc Joe
1.

Se vei plan que sèm en temps de patz. Mas los cowboys o sabon ben, sempre los Indians se pòdon tornar metre sul sentièr de la guèrra… E aquí los generals Custers farián mens lo marriòl.

  • 11
  • 1

Escriu un comentari sus aqueste article