La catedrala de Sant Pèire e Sant Pau de la vila bretona de Nantas patiguèt dissabte un incendi que ne cremèt mai que mai l’interior. Los imatges del fuòc virèron lèu sus totes los rets socials.
 
Los damatges pus importants son la consòla de l’òrgue del còr e las bancariás de fusta. Tanben de veirials del sègle XVI son destruches.
 
Se sap pas encara l’origina del fuòc mas lo procuraire a privilegiat l’ipotèsi criminala. Segon los pompièrs, i auriá tres ponches de partença del fuòc, un al nivèl del grand òrgue e dos a drecha e a esquèrra de la nau, çò rapòrta France Bleu.
 
Es pas lo primièr còp que la catedrala de la vila bretona patís de damatges. Pendent la Segonda Guèrra Mondiala foguèt parcialament destrucha, e en 1972 un autre incendi ne destruguèt totalament lo tet.

 
En gàrdia a vista un suspècte
 
Dins la tantossada, detenguèron e placèron en gàrdia a vista un òme de 39 ans albergat per la diocèsi. De ciutadanatge rwandés, èra encargat de barrar la catedrala divendres 17 de julhet de ser. I auriá d’incoeréncias dins lo raconte de son emplec de temps.

 
 

#Nantes | Courage aux sapeurs-#pompiers du @SDIS44 engagés sur l’#incendie à la cathédrale Saint-Pierre-et-Saint-Paul de #Nantes.
Protéger, secourir et sauver. pic.twitter.com/z8ZaigcI3s

— Pompiers de France (@PompiersFR) July 18, 2020

 

Incendie à la cathédrale de Nantes: une habitante décrit "une ambiance très pesante" pic.twitter.com/UciilTBbxd

— BFMTV (@BFMTV) July 18, 2020