Actualitats
Resultats positius: lo vaccin d’Oxford contra lo coronavirus es segur e genèra d’anticòrses
Lo govèrn del Reialme Unit n’a ja comandat 100 milions de dòsis
La còla de l’Unitat d’Oxfort que desvolopa un vaccin contra lo coronavirus a obtengut los primièrs resultats positius. Las espròvas sus 1077 personas mòstran que lo vaccin es segur e que compelís lo sistèma immunitari de generar d’anticòrses e globuls blancs que pòdon luchar contra lo coronavirus. Los resultats son encoratjants, e mai siá encara tròp d’ora per saber se la responsa del sistèma immunitari es sufisenta per protegir durant un long periòde lo mond que se lor es estat administrat lo vaccin.Totun, pr’amor dels resultats positius lo govèrn del Reialme Unit a ja comandat 100 milions de dòsis del vaccín. Podètz legir aicí l’article dins la revista scientifica The Lancet qu’explica aqueles resultats.
Tanben es important lo fach que s’es verificat que lo vaccin es segur e que los sols efièches segondaris notables son de febre o de mals de cap pel 70 % de las personas, çò que se pot tractar amb de paracetamòl, segon los cercaires. Coma o explica la cercaire en cap Sarah Gilbert, ‘demòra encara fòrça trabalh de far abans de poder confirmar se nòstre vaccin ajudarà a contrarotlar la pandemia de la covid-19, mas aqueles primièrs resultats son prometeires’.
Lo vaccin, sonat ChAdOx1 nCoV-19, s’es desvolopat a partir de virus que causan un raumàs comun als chimpanzés e modificats geneticament per que revertèsson lo coronavirus 2019 e que, de mai, per que poguèsson pas provocar d’infeccions en los umans. Amb aquesta modificacion los virus avián lo meteis peplomèr —l’aisina utilizada pel virus per intrar dins las cellulas infectadas— que lo fan servir lo coronavirus. Atal, un còp administrat lo vaccin, lo sistèma immunitari apren a atacar los virus que fan servir aquela aisina.
Tanben es important lo fach que s’es verificat que lo vaccin es segur e que los sols efièches segondaris notables son de febre o de mals de cap pel 70 % de las personas, çò que se pot tractar amb de paracetamòl, segon los cercaires. Coma o explica la cercaire en cap Sarah Gilbert, ‘demòra encara fòrça trabalh de far abans de poder confirmar se nòstre vaccin ajudarà a contrarotlar la pandemia de la covid-19, mas aqueles primièrs resultats son prometeires’.
Lo vaccin, sonat ChAdOx1 nCoV-19, s’es desvolopat a partir de virus que causan un raumàs comun als chimpanzés e modificats geneticament per que revertèsson lo coronavirus 2019 e que, de mai, per que poguèsson pas provocar d’infeccions en los umans. Amb aquesta modificacion los virus avián lo meteis peplomèr —l’aisina utilizada pel virus per intrar dins las cellulas infectadas— que lo fan servir lo coronavirus. Atal, un còp administrat lo vaccin, lo sistèma immunitari apren a atacar los virus que fan servir aquela aisina.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Comparar lo vaccin embé los camps nazis ? Avètz pas vergonha de dire de tau conariás ?
#1 Avetz desbrombat de mencionar lo comptador Linky, los chemtrails e lo protocòle daus Savis de Sion. Mercés de corregir.
Lo vaccin qual que sia, quò es lo camp de concentracion nazi n°19.
Mesme si quò es pas la vertat, lo monde que dominan son capables de vos la far creire perque an tots los poders. Qui vai controlar si tot aquò es vrai?
Avem lo dreit de chausir nòstra medecina, de refusar lo vaccin perque quò es nòstra santat e nòstra santat es çò qu'i a de pus sacrat au monde. Avem pas lo poder de transmettre un virus aus autres.
Es a nòstra de chausir nòstra santat e nòstre biais de se suenhar.
Perque interdisan las medcinas naturalas, l'omeopatia, l'acupunctire e totas autres sòrtas de medecinas si quò es pas per aver tots los dreits sur nos?
Quand l'economic pòd pus i arribar, Quand le politique pòd pus i arribar alaidonc lo medecin arrieba. Après quò, quò es lo generau que vai.
Quò fera brava a la rentrada dins las escòlas ente los goiats (atas) denonçaran lòrs parents qu'utilisan de las oils essencialas per se suenhar. La gestapò es pas lonh mesme si es medicala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari