Actualitats
Campanha per ajudar los abitants d’Amazonia
La situacion es de mai en mai grèva a causa de la covid-19 e d’un projècte del govèrn brasilièr que considèran “genocida”
Divèrses collectius ecologistas e defensors dels pòbles originaris an començat una campanha de collectatge de fonzes per ajudar los abitants d’Amazonia que patisson d’un biais extrèmament grèu la pandemia de la covid-19. Aquela situacion es de mai en mai grèva a causa de las enòrmas diferéncias socialas e de las politicas d’un president ultradrechista que vòl esplechar Amazonia e despossedir los pòbles originaris de lors tèrras.
La campanha es lançada per ajudar a prevenir la malautiá qu’a ja decimat un bon nombre de pòbles originaris d’Amazonia.
Amb l’argent amassat vòlon aviar una campanha de prevencion en distribuissent de mascas e de gèl idroalcolic, e mandar d’agents sanitaris dins las comunautats indigènas. A mai, cèrcan d’entamenar una campanha de provesiment de manjar e de produches d’igiène, e tanben de campanhas de comunicacion per combatre lo virus.
Un “projècte genocida”...
En genièr passat, abans la crisi sanitària, lo movement indigèna de Brasil se reüniguèt per se refortir e afrontar çò que nomenan lo “projècte genocida” de Bolsonaro: un projècte de lei que facilita l’esplecha de las tèrras dels pòbles autoctòns.
S’amassèron 600 caps indigènas representants de 45 pòbles per denonciar la “mesa en marcha d’un projècte politic del govèrn brasilièr de genocidi, etnocidi e ecocidi” e anoncièron de grandas mobilizacions pendent tot l’an 2020 per s’opausar a las politicas de Bolsonaro. An relançat l’Aliança dels Pòbles dels Bòsques, una coalicion d’organizacions eiretièra, entre d’autras referéncias, de las luchas del sindicalista istoric Chico Mendes, assassinat en 1988.
... e una pandemia
Ara, la malautiá a portat encara mai de malaür a aquestes pòbles, que son sens nada proteccion fàcia un estat que met en perilh lor biais de viure e quitament lor existéncia. Es per aquela rason qu’an lançat aquesta campanha.
La campanha es lançada per ajudar a prevenir la malautiá qu’a ja decimat un bon nombre de pòbles originaris d’Amazonia.
Amb l’argent amassat vòlon aviar una campanha de prevencion en distribuissent de mascas e de gèl idroalcolic, e mandar d’agents sanitaris dins las comunautats indigènas. A mai, cèrcan d’entamenar una campanha de provesiment de manjar e de produches d’igiène, e tanben de campanhas de comunicacion per combatre lo virus.
Un “projècte genocida”...
En genièr passat, abans la crisi sanitària, lo movement indigèna de Brasil se reüniguèt per se refortir e afrontar çò que nomenan lo “projècte genocida” de Bolsonaro: un projècte de lei que facilita l’esplecha de las tèrras dels pòbles autoctòns.
S’amassèron 600 caps indigènas representants de 45 pòbles per denonciar la “mesa en marcha d’un projècte politic del govèrn brasilièr de genocidi, etnocidi e ecocidi” e anoncièron de grandas mobilizacions pendent tot l’an 2020 per s’opausar a las politicas de Bolsonaro. An relançat l’Aliança dels Pòbles dels Bòsques, una coalicion d’organizacions eiretièra, entre d’autras referéncias, de las luchas del sindicalista istoric Chico Mendes, assassinat en 1988.
... e una pandemia
Ara, la malautiá a portat encara mai de malaür a aquestes pòbles, que son sens nada proteccion fàcia un estat que met en perilh lor biais de viure e quitament lor existéncia. Es per aquela rason qu’an lançat aquesta campanha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas de pandemia de covid 19. Tot aquò es menat per la mafia internacionala que sent son poder partir petit a petit sos la pression de Trump e de los que los sosten. Es mas una partida de la campanha electorala que se passa aus Estats-Unis.
Mesfiat-vos de totas las manifestacions au nom de l'ecologia, dau racisme que se passa un pauç pertot que son teleguidadas per los millardaires los pus cheitus. Drubatz l'uelh e lo bon.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari