Una fòto de l’agéncia Reuters mòstra d’un biais net e clar las diferéncias entre Canadà e los Estats Units en çò que tanh a la lucha contra la covid-19. L’imatge es pres suls sauts de Niagara e mòstra dos vaissèls toristics, un canadenc e l’autre estatsunidenc, qu’illustran la manièra desparièra de combatre la pandemia dins los dos païses.
 
Los sauts de Niagara son una meravilha naturala a la frontièra dels Estats Units e de Canadà, un endrech qu’agrada fòrça toristas. Amb lo desconfinament l’activitat toristica s’es represa dins los dos costats, mas l’imatge mòstra las diferéncias en observant la distància interpersonala de seguretat que cal prene per evitar d’infeccions. Lo naviri estatsunidenc es tot comol de mond del temps que sul canadenc i a pauc de mond ja que se respècta las distàncias.