Bandièra01 1180x150: País Invisible

Actualitats

Galícia a festejat sa centena fèsta nacionala

En aquesta ocasion e malgrat la crisi sanitària lo sobeiranisme galèc a demostrat sa fòrça

Compostèla
Compostèla | BNG
Lo sobeiranisme galèc a demostrat sa fòrça aqueste dissabte passat durant lo jorn nacional d’aqueste país qu’ongan s’es commemorat d’una manièra fòrça especiala: d’un latz dins l’encastre de la crisi sanitària de la covid-19 e de l’autre en celebrant lo centenari d’aquela jornada. “Es un sòmi collectiu amb de rasics prigondas”, çò diguèt dins son discors Ana Pontón, pòrtavotz del Blòc Nacionalista Galèc (BNG), partit d’esquèrra sobeiranista. Pontón remembrava cossí en 1919 la fèsta foguèt instaurada per las “Irmandades da Fala” (Frairiás de la Lenga), una organizacion galeguista activa entre 1916 e 1931. Atal lausèt “aqueles òmes e femnas avantgardistas, que fa cent ans festevajan pel primièr còp lo jorn de la Pàtria Galèga” e lors discípols que s’autorganizèron dins la clandestinitat pendent lo franquisme e qu’ara se son amassats dins lo BNG.
 
Pontón defendèt lo galeguisme coma movement que revendica “un avenir digne per lo mond que decidisson de viure e trebalhar al país” e critiquèt la vesita que lo rei d’Espanha fasiá a la catedrala de Compostèla a l’ocasion del jorn de l’apostòl Jaume, a qualques mètres d’ont ela fasiá lo discors. “Galícia a pas cap de rei”, çò declarèt”.
 
L’independentisme galèc es ancorat a esquèrra e se pòrta fòrça plan dempuèi las darrièras eleccions del 12 de julhet passat. Dins aquel sens, Ana Pontón aviá assolidat dins una entrevista per nòstres confraires de Vilaweb, que lo galeguisme coneis una èrsa qu’es a créisser fòrça.
 
 
 
Serada de solidaritat en Occitània
 
Mentretant a Pau, Libertat aviá organizat divendres una serada de solidaritat amb Galícia en onor de sa fèsta nacionala. Un public atentiu escotèt e pausèt de questions a un militant independentista galèc que vesitava la Tor deu Borrèu per l’ocasion.
 



 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Galèc Orsana
4.

#2 & #3
eh-òc, Franco èra tanben galèc-parlant del breç e Felipe Gonzalez parla amb accent català. Segon vos cal parlar amb l’accent de Madrid, com Ponton o mossur mongeta siquenon semblaretz pailàns o encara pièger, portuguès!
Se pòt pas èsser nacionalist galèc e defendre la lenga espanhòla en travestir lo galèc amb las pelhas de Madrid, com fa la castilhan-parlanta Ponton. Ela sabe pas parlar galèc, e vos ne soi solide pas mei ...

FORÇA O GALEGO-PORTUGUÊS!

  • 0
  • 5
Galiza Pau
3.

A xente fala por falar!

  • 3
  • 3
Son Galego Compostela
2.

Comentar sen ter idea. Ana Pontón é galegofalante dende o berce. E o de acento castelán.. nin Feijoo que se educou fóra de Galicia.

  • 5
  • 3
Galèc Orsana
1.

Los galècs, mai que mai los politics (com Ana Ponton) sabon pas parlar galèc, parlon sonque castilhan amb qualques mots galècs, e parlon amb l’accent castilhan. Es trist!

  • 5
  • 8

Escriu un comentari sus aqueste article