Bandièra01 1180x150: Comuna de Tolosa

Actualitats

InternacionalPolitica

Polonha vòl abandonar la convencion d’Istambol

Lo govèrn ultraconservator considèra nociu lo tractat europèu sus la prevencion e la lucha contra la violéncia envèrs las femnas

De milièrs de personas, mai que mai de femnas, manifestèron divendres passat per las carrièras de Varsòvia per protestar contra la decision del govèrn polonés de quitar lo tractat europèu sus la prevencion e la lucha contra la violéncia envèrs las femnas
De milièrs de personas, mai que mai de femnas, manifestèron divendres passat per las carrièras de Varsòvia per protestar contra la decision del govèrn polonés de quitar lo tractat europèu sus la prevencion e la lucha contra la violéncia envèrs las femnas
De milièrs de personas, mai que mai de femnas, manifestèron divendres passat per las carrièras de Varsòvia per protestar contra la decision del govèrn polonés de quitar lo tractat europèu sus la prevencion e la lucha contra la violéncia envèrs las femnas. L'executiu ultraconservator es a far aquesta setmana las cambadas per quitar la dicha convencion d’Istambol. Lo govèrn polonés considèra qu’aquel acòrdi manca als dreches dels paires perque requerís que las escòlas eduquen amb perspectiva de genre.
 
Lo ministre de la justícia, Zbigniew Ziobro, a dich als mèdias que sollicitarà lo Ministèri del Trabalh e de la Familha per que diluns comencen las proceduras per abandonar lo tractat. Segon Ziobro, la convencion d’Istambol conten d’elements “de caire ideologic“ que considèran “nocius”.
 
Lo partit conservator Drech e Justícia, que govèrna dempuèi 2015, e sos aliats an adoptat lo programa retrograd de la glèisa catolica. De fach, Andrzej Duda ven d’èsser reelegit president e pendent sa campanha electorala prometèt de far tornar al país las valors de la familha tradicionala” mentre que fasiá un discors intolerant e contrari als dreches del collectiu LGBTI.
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Lo govèrn ultraconservator considèra nociu lo tractat europèu sus la prevencion e la luta contra la violéncia envèrs las femnas ? Podèm donc plan logicament considerar amb totas las femnas que lo govèrn ultraconservator de Polonha es nociu a la prevencion e a la luta contra lo violéncia envèrs las femnas.

  • 17
  • 2

Escriu un comentari sus aqueste article