Actualitats
Es mòrta Gisèle Halimi, l’avocata del feminisme
L’activista francotunisiana se batèt per l’independéncia de Tunisia e Argeria, per l’egalitat e pel feminisme
Es mòrta l’avocata francotunisiana Gisèle Halimi a 93 ans après consagrar tota sa vida a luchar per l’egalitat e pel feminisme.
Nascuda Zeiza Gisèle Élise Taïeb prenguèt lo nom d’Halimi après se maridar en 1956 amb Paul Halimi. Puèi divorcièt e se maridèt amb Claude Faux, secretari de Jean-Paul Sartre e Simone de Beauvoir.
Amb Sartre, militèt per l’independéncia d’Argeria, del temps qu’o fasiá tanben per la de TunisIa, son país. Coma avocata defendèt la militanta del Front de Liberacion Nacionala Djamila Boupacha, acusada d’aver plaçat una bomba, que foguèt torturada e violada per de soldats franceses. Boupacha foguèt condemnada a la pena capitala, e pus tard amnestiada. Mas Halimi e de Beauvoir mediatizèron l’afar Boupacha dins las paginas de Le Monde. Puèi n’escriguèron un libre que la tampa èra dessenhada per Picasso. Tot aquò ajudèt la joventa argeriana a venir una icòna de la lucha independentista. Desenant, Halimi vendriá avocata de causas fòrça malaisidas.
Lo combat feminista
En abril de 1971, signèt lo manifèst de las 343 femnas que reconeissián aver practicat l’avortament. Aquel fach marquèt una estapa importanta del combat feminista dins l’estat francés que despenalizariá l'interrupcion de l’emprenhament en 1975.
Dins aquel sens, defendèt una joventa de 16 ans apelada Marie-Claire, qu’en 1972 l’avián jutjada colpabla d’aver avortat amb l’ajuda de sa maire après patir un viòl. Halimi n’atenguèt l'aquitament.
Halimi tanben se batèt per que lo viòl foguèsse enseguit per la justícia francesa e o capitèt en 1980 après defendre tres joventas bèlgas qu’avián denonciat tres violaires.
Militèt al Partit Socialista e foguèt una afogada de François Mitterrand.
s
Nascuda Zeiza Gisèle Élise Taïeb prenguèt lo nom d’Halimi après se maridar en 1956 amb Paul Halimi. Puèi divorcièt e se maridèt amb Claude Faux, secretari de Jean-Paul Sartre e Simone de Beauvoir.
Amb Sartre, militèt per l’independéncia d’Argeria, del temps qu’o fasiá tanben per la de TunisIa, son país. Coma avocata defendèt la militanta del Front de Liberacion Nacionala Djamila Boupacha, acusada d’aver plaçat una bomba, que foguèt torturada e violada per de soldats franceses. Boupacha foguèt condemnada a la pena capitala, e pus tard amnestiada. Mas Halimi e de Beauvoir mediatizèron l’afar Boupacha dins las paginas de Le Monde. Puèi n’escriguèron un libre que la tampa èra dessenhada per Picasso. Tot aquò ajudèt la joventa argeriana a venir una icòna de la lucha independentista. Desenant, Halimi vendriá avocata de causas fòrça malaisidas.
Lo combat feminista
En abril de 1971, signèt lo manifèst de las 343 femnas que reconeissián aver practicat l’avortament. Aquel fach marquèt una estapa importanta del combat feminista dins l’estat francés que despenalizariá l'interrupcion de l’emprenhament en 1975.
Dins aquel sens, defendèt una joventa de 16 ans apelada Marie-Claire, qu’en 1972 l’avián jutjada colpabla d’aver avortat amb l’ajuda de sa maire après patir un viòl. Halimi n’atenguèt l'aquitament.
Halimi tanben se batèt per que lo viòl foguèsse enseguit per la justícia francesa e o capitèt en 1980 après defendre tres joventas bèlgas qu’avián denonciat tres violaires.
Militèt al Partit Socialista e foguèt una afogada de François Mitterrand.
s
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Total respècte a la memòria d'aquesta dòmna. Mas, indicatz que militèt al Partit Socialista e foguèt una afogada de François Mitterrand. E perqué ? Lo cresiá socialista ? L'imaginava d'esquèrra ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari