Bandièra01 1180x150: Comuna de Tolosa

Actualitats

París: de racisme e de maltractaments dins las cellulas del tribunal

Un policièr a revelat de centenas de cases de maltractaments e de racisme contra las personas embarradas a l’espèra d’èsser jutjadas

| Yann Castanier / Streetpress
Un policièr francés apelat Aimar Benmohamed a revelat de centenas de cases de maltractaments e de racisme dins las cellulas del tribunal de París, çò rapòrta Streetpress. Dins un rapòrt de març 2019, Benmohamed denonciava “de comentaris racistas” e mespresants envèrs los detenguts d’originas estrangièras qu’èran de costuma tractat de ”bastards”.
 
Segon lo delegat sindical de l’organizacion SGP-Police, “los faches denonciats son d’una gravetat sens precedent, revèlan un sistèma delictual e d’impunitat a respècte de lors autors, tacan d’indignitat tota la justícia penala del tribunal de granda instància ansin coma las decisions qu’i son rendudas”.
 
Segon aquelas informacions, “pendent un pauc mai de dos ans, mai de 1000 acusats son estats maltractats” dins las cellulas del tribunal de París, ont se tròban embarrats los qu’espèran un jutjament.
 
L’Inspeccion Generala de la Polícia Nacionala a fach una enquista administrativa. En setembre, se tendrà un conselh de disciplina per un dels foncionaris e se notificarà de sancions administrativas, d’admonestacions e d’advertiments per d’autres cinc.
 
Mentretant, Benmohamed a fach tanben sa denóncia car, segon son rapòrt, ditz qu’a patit de secutament moral.

 
 

 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
4.

#1 En denonciant çò que l'etica ciutadana demanda de denonciar, Aimar Benmohamed non fa l'objècte d'una manipulacion particulara. Per contra, l'idèa (pas brica novèla) de separar mediaticament, la luta contra lo racisme de las autras lutas socialas, e las lutas socialas joves de las autras lutas socialas, si qu'es una manipulacion : es una manipulacion mediatica e fòrça politica. Divisir l'evocacion de las lutas per las isolar e las demesir las unas sense las autras, aquò es tan vièlh coma totas las lutas per mai de democracia e de respècte en general. Los contestataris GJ, los que son contra las leis El Khomri, contra la refòrma neoliberala de las retiradas, e los militants antiracistas n'an pro en general de l'autoritarisme neoliberal e de l'exercici brutal e violent de la coërcicion policièra contra las manifestacions democraticas, en general : e totas aquelas contestacions son ligadas. La sola manipulacion es de donar a creire çò contrari…

  • 1
  • 0
Pascau
3.

Supèr, aquesta novèla!

  • 1
  • 0
Pascau
2.

#1 Podetz díser quaqu'arren de precís svp? S'aqueth òmi vos sembla manipulat, qui lo manipula segon vos?

  • 2
  • 0
Papioli
1.

Aquel policier, que fai partida d'un sindicat de police, denonça lo mautratament e lo racisme dins las celulas de tribunau e pas los maltraitaments contre los gilets jaunas?
I a darrier tot aquò benleu una manipulacion politica. L'òm accusa los policiers de racisme, los politics de racisme mas quò sent la mesma campanha qu'aus Estats-Unis ente dins las manifestacions anti-racisme i a pas totjorn que daus negres, subretot las manifestacions son organisadas per qui?
Benleu qu'i a de la sinceritat dins las paraulas d'aquel policier mas la recuperacion per los medias pausa tertant problem.

  • 4
  • 14

Escriu un comentari sus aqueste article