Bandièra01 capçalera  1180x150: Novestivada

Actualitats

Google identificarà las botigas tengudas per d'afroamericans als Estats Units

Lo gigant d'Internet ditz qu'a remarcat un aument de las recèrcas en linha d'establiments tenguts per d'afroamericans per los sosténer financièrament

Desenant, Google prepausarà d'identificar las botigas e las entrepresas tengudas per de negres als Estats Units, çò rapòrta The Verge. Çò qu'a priòri poiriá semblar un biais racista de marcar lo mond, Google o prepausa amb un vejaire contrari, car dins los darrièrs meses an remarcat un aument de las recèrcas en linha que cercavan d'establiments tenguts per d'afroamericans per los sosténer financièrament.
 
D'etiquetas d'aquela natura se son desvolopadas per localizar los comèrcis amics de la comunautat LGBT e feministas.
 
En junh passat, Google anoncièt de mesuras per donar son supòrt a la comunautat afroamericana, dont lo pagament de 12 milions de dolars a d'organizacions "que s'esfòrçan de luchar contra las inegalitats racialas". Mas ara prepausa d'identificar los establiments tenguts per d'afromericans e mai aja pas precisat cossí se verificarà las declaracions de las entrepresas.



abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Qui es aqueste "google" per se permetre d'identificar qui que siá o mai qué que siá ?

  • 2
  • 0

Escriu un comentari sus aqueste article