Actualitats
De destorbis del som e de desmotivacion pels astronautas qu’“anèron” sus Mart
Çò ditz un estudi suls sièis astronautas que simulèron un viatge vèrs la Planeta Roja pendent 520 jorns
Lo 4 de novembre de 2011, sièis astronautas sortiguèron aüroses d’un modul de 180 mètres cairats ont s’èran embarrats 520 jorns. Fasián partida d’un viatge simulat de las agéncias espacialas europèa e russa vèrs Mart, d’anar-venir, per verificar la capacitat de resisténcia de l’èsser uman.
Mai d’un an puèi, se ven de publicar un estudi basat suls resultats de l’experiéncia, qu’indica que pendent la claustracion, la majoritat dels volontaris experimentèron de destorbis del som, de cambiaments d’umor, d’estransi e de desmotivacion.
La reduccion de las oras de som, aquò se verifiquèt, provoquèt que la majoritat dels astronautas venguèsson d’individús pigres e letargics, que redusiguèron l’activitat fisica fins a un estadi preliminar a l’ibernacion, çò ditz lo rapòrt publicat dins la revista Proceedings of the National Academy of Sciences.
Pendent la mission, los astronautas passèron d’examens medicals, fisics e psiquics cada jorn, per determinar cossí afècta los umans un embarrament d’aquelas caracteristicas. Per combatre l’anuèg, avián de DVDs, de libres e de jòcs electronics.
A la mitat del viatge, lor calguèt tanben reagir a d’emergéncias coma un incendi e una pana electrica.
Mai d’un an puèi, se ven de publicar un estudi basat suls resultats de l’experiéncia, qu’indica que pendent la claustracion, la majoritat dels volontaris experimentèron de destorbis del som, de cambiaments d’umor, d’estransi e de desmotivacion.
La reduccion de las oras de som, aquò se verifiquèt, provoquèt que la majoritat dels astronautas venguèsson d’individús pigres e letargics, que redusiguèron l’activitat fisica fins a un estadi preliminar a l’ibernacion, çò ditz lo rapòrt publicat dins la revista Proceedings of the National Academy of Sciences.
Pendent la mission, los astronautas passèron d’examens medicals, fisics e psiquics cada jorn, per determinar cossí afècta los umans un embarrament d’aquelas caracteristicas. Per combatre l’anuèg, avián de DVDs, de libres e de jòcs electronics.
A la mitat del viatge, lor calguèt tanben reagir a d’emergéncias coma un incendi e una pana electrica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E pas una femna dins lo gropet! Vòls pas que sian destimborlats al cap d'un an e mièg? E un gropet al revés -pas que de femnas- seriá pas melhor!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari