Bandièra01 1180x150: La Passem

Actualitats

InternacionalSocietat

Beirot: almens 100 mòrts, mas benlèu mai, e mai de 4000 nafrats a causa de doas grandas explosions

Lo president del país a dich que las explosions las an causadas 2700 tonas de nitrat d'amòni qu'èran demoradas sièis ans dins un magazin sens mesuras de seguretat

| Reuters / Mohamed Azakir
Almens 100 mòrts, mas benlèu mai, e mai de 4000 nafrats a causa de grandas explosions dins la zòna del pòrt de Beirot. Un magazin a espetat aqueste dimars de ser, en causant la destruccion de fòrça edificis de la vila e delà. Qualques minutas puèi, i a agut una segonda explosion. L’onda de chòc s’es ausida sus tota la capitala e de qualques quilomètres estant.  Sus Twitter se ditz qu'an entendut l'explosion a Chipre. Lo president del país a dich que las explosions las an causadas 2700 tonas de nitrat d'amòni qu'èran demoradas sièis ans dins un magazin sens mesuras de seguretat.
 
Reuters a publicat un testimoniatge esglasiant: “Ai vist una bòla de fuòc e de fum que virava sus Beirot. Lo mond cridavan, corrián e sagnavan. Los balcons an volat de las bastissas estant. Las vitras dels immòbles se son brigalhadas e son tombadas per carrièras”.
 
Qualques minutas après las explosions, la cadena de television LBC raportava que de nombrosas ambulàncias transportavan de desenas de nafrats. Lo Ministèri de la Santat libanés a ordenat als espitals qu’aculhiscan totes los nafrats que las autoritats ministerials n’assumiràn los còstes medicals.

 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Abram Auvèrnha
2.

Aquò es de pas creire !!! Aquela explosion siriá quasi dètz còps mai fòrta qu'aquela d'AZF !!!

  • 11
  • 2

Escriu un comentari sus aqueste article