Bandièra01 1180x150: Comuna de Tolosa

Actualitats

Brelh de Ròia: l’an detengut en plen trabalh per un marrit pòrt de la masca

Portava la masca un pauc baissada, jos lo nas. Dos gendarmas lo manotèron davant los clients e los autres emplegats

Dimècres passat, 19 d’agost, dos gendarmas detenguèron un emplegat d’un supermercat a Brelh de Ròia mentre que trabalhava perque portava la masca un pauc baissada, jos lo nas, çò rapòrta France 3. Lo detengut aviá començat sa jornada a 6h e a 10h30 lo manotavan davant los clients e los autres emplegats. Los gendarmas avián exigit que se metèsse corrèctament la masca mas lo salariat lor respondèt, fustibulat d’èsser destorbat en plen trabalh. Se pòt veire los imatges de la camèra de susvelhança.
 
Segon un testimòni, l’emplegat expliquèt als gendarmas que los voliá ben seguir, mas sens las manòtas davant los clients perque aquò li fasiá vergonha.
 
Lo detengut lo placèron en gàrdia a vista per “injúrias”. Segon los gendarmas, l’arrestacion la motivèt pas lo marrit pòrt de la masca mas d’insultes de l’emplegat. L’òme reconeguèt totas las acusacions dels gendarmas e foguèt puèi relargat, segon la responsabla del supermercat. Lo detengut volguèt pas reagir a son arrestacion en respondent als jornalistas de France 3 per “enverinar pas la situacion”.

 
 

 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
3.

Es ora de tornar legir "Matin brun".
Cal pas qu'amb lo principi de precaucion emplegat a la sauça liberala, es a dire quand lor conven a eles, arribèsson pauc a pauc a arrestar totes los que marchan pas drech, e fin finala totes los que pensan pas coma eles.
Perque per d'autras causas (fangas rojas dins Bèrra, Tchernobil en poténcia amb las centralas nuclearas, perturbators endocrinians, eca.), coma cal pas trebolar lo sacrosant Mercat, se'n chautan coma de lor primièra camisa cosida per de dròlles espleitats sens remòrs en Asia.
Sabon nos fichar per los d'aquòs-fònes amb lo pretèxt plan conegut de la santat publica, mas an pas d'ordinators per enquistar suls dròlles que naisson sens mans o sens braces. Es pas complicat de far una carta d'aquelas anomalias e de veire que i a de comundins los airals ont aquò arriba, medamne !

  • 4
  • 0
gilós pietadós
2.

de qué créder ? l'article o lo titol de l'article ?

"Segon los gendarmas, l’arrestacion la motivèt pas lo marrit pòrt de la masca mas d’insultes de l’emplegat. L’òme reconeguèt totas las acusacions dels gendarmas e foguèt puèi relargat, segon la responsabla del supermercat."

  • 0
  • 1
Franc Bardòu
1.

Estat policièr ordinari… Ne volètz mai encara ?

  • 9
  • 3

Escriu un comentari sus aqueste article