Actualitats
Africa: la pòlio oficialament eradicada
Après d’ans de campanhas de vaccinacion, l’OMS a anonciat la desaparicion de la malautiá del continent african
L’Organizacion Mondiala de la Santat (OMS) a declarat Africa exempta de poliovirus salvatge. La comission africana de certificacion per l’eradicacion de la pòlio a oficializat l’abséncia de poliomieliti per virus naturals, diches “salvatges”, après quatre ans sens cap de cas. Lo darrièr brot de poliomieliti en Africa se detectèt fa quatre ans, en 2016, dins lo nòrd-èst de Nigèria.
Dins un comunicat, publicat dimars passat, 25 d’agost, l’OMS considèra qu’aquel jorn “s’escriu amb de letras d’aur dins l’istòria d’Africa” perque, desenant, cinc de las sièis regions de l’OMS son liuras de poliovirus naturals e qu’es mai pròcha l’eradicacion mondiala de la poliomieliti.
La poliomieliti es una malautiá infecciosa aguda e contagiosa que tòca principalament los enfants, ataca lo fil de l’esquina e pòt provocar de paralisis irreversiblas. Gràcias al vaccin descobèrt dins los ans 1950, foguèt eradicada sus de continents coma Euròpa o America.
A l’ora d’ara, solament dos païses del Mond enregistran encara una transmission de poliovirus naturals: Afganistan e Paquistan.
Dins un comunicat, publicat dimars passat, 25 d’agost, l’OMS considèra qu’aquel jorn “s’escriu amb de letras d’aur dins l’istòria d’Africa” perque, desenant, cinc de las sièis regions de l’OMS son liuras de poliovirus naturals e qu’es mai pròcha l’eradicacion mondiala de la poliomieliti.
La poliomieliti es una malautiá infecciosa aguda e contagiosa que tòca principalament los enfants, ataca lo fil de l’esquina e pòt provocar de paralisis irreversiblas. Gràcias al vaccin descobèrt dins los ans 1950, foguèt eradicada sus de continents coma Euròpa o America.
A l’ora d’ara, solament dos païses del Mond enregistran encara una transmission de poliovirus naturals: Afganistan e Paquistan.
The @WHOAFRO region is officially certified free of the wild poliovirus! Learn how @Rotary and its partners made it possible to #endpolio in the region: https://t.co/HiBFfdcRMDpic.twitter.com/WC1eBth3la
— EndPolioNow (@EndPolioNow) August 25, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per veire quora eradicaràn la Françafrica 'Africa ?
Ara son a nos vojar de messorgas mediaticas a barrals per justificat las accions de l'armada Francesa al Sahel.
Meravelhosa nòva! Aprèp la variòla, completament eradicada del monde en 1980, podèm aveire d'autres victòrias a condicion de persègre nòstres esfòrces. Per aquò cal mai cooperacion e solidaritat, al lòc de la competicion economica pertot.
#1 Vos an quitament desreglat la cervela ambe la 5G, paure...
#1 Papiolejadas...
L'om vòl nos far prener lo blanc per lo negre.
La vacinacion a jamai arrestat una epidemia. Quò es las mesuras d'igiena, que fagueran baissar las epidemias. Nos empeschar de respirar en portar un masc, nos far portar una ceintura per empeschar la digestion, nos far portar un slip per empeschar l'aeracion dau cròs dau cul son pas de mesuras d'igienas.
L'OMS pòd ben parlar mas en França las malaudias cardiacas, de dégénerescença, alzeimer, accidents, cancers, malaudias iatrògenas a l'ospiça son causas daus decès. L'OMS vòl redressar l'aura de la vacinacion en prechar lo negre mas que viesa en prumier a l'interior de se.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari