Actualitats
Mai de 8000 ciutadans franceses fichats per radicalizacion terrorista
Las autoritats francesas creson que la menaça del terrorisme es totjorn nauta
Diluns, lo ministre francés de l’Interior, Gérald Darmanin, anoncièt que 8132 èran inscrichas al fichièr dels senhalaments per la prevencion de la radicalizacion terrorista, çò raporta L'Express. Una donada inquietanta mentre que se dobrís dempuèi ièr dimècres lo jutjament de tres presumits complices dels assalidors de Charlie Hebdo e d’un supermercat cashèr en genièr de 2015.
Segon Darmanin, los servicis secrets seguisson mai de 8000 ciutadans franceses susceptibles de se radicalizar fins al ponch de cometre un atemptat. “Lo risc terrorista d’origina sunnita contunha d’èsser la principala menaça que nòstre país deu afrontar. Mas nos cal èsser vigilants sus d’autres biaisses d’agir”, çò declara lo ministre. A mai, lo ministre raportèt qu’al començament de mai avián detengut e encarcerat un supremacista blanc que preparava d’accions violentas contra de luòcs de culte.
Dins aquel sens, Darmanin assegura que dempuèi 2013 s’es neutralizat 61 temptativas d’atemptat, dont 32 dins las darrièras tres annadas.
Pel ministre, la prevencion d’aqueles cases es un prètzfach complicat.
Segon Darmanin, los servicis secrets seguisson mai de 8000 ciutadans franceses susceptibles de se radicalizar fins al ponch de cometre un atemptat. “Lo risc terrorista d’origina sunnita contunha d’èsser la principala menaça que nòstre país deu afrontar. Mas nos cal èsser vigilants sus d’autres biaisses d’agir”, çò declara lo ministre. A mai, lo ministre raportèt qu’al començament de mai avián detengut e encarcerat un supremacista blanc que preparava d’accions violentas contra de luòcs de culte.
Dins aquel sens, Darmanin assegura que dempuèi 2013 s’es neutralizat 61 temptativas d’atemptat, dont 32 dins las darrièras tres annadas.
Pel ministre, la prevencion d’aqueles cases es un prètzfach complicat.
Discours sur l'état de la menace terroriste en France https://t.co/3VUHeWDSpC
— Ministère de l'Intérieur (@Interieur_Gouv) August 31, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
1) Una donada inquietanta, de segur ! Quinas donadas sociologicas, economicas e politicas se poirián reténer per explicar (de causa a efècte) un resultat numeric aital ?
2) Seriái estat plan curiós d'obténer aquelas chifras pels membres francofòns de la delegacion que nos davalèt per la Val de Ròse en 1209, al convit dels catolics romans…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari