Bandièra01 capçalera  1180x150: Botiga

Actualitats

Mòria: 13 000 migrants sens refugi après l’incendi del camp

Alemanha e França seràn los païses qu’aculhiràn mai de menors non acompanhats

| Vilaweb
Après l’incendi qu’avaliguèt lo camp de refugiats de Mòria, e lo segond fuòc qu’arribèt un jorn puèi, 13 000 personas refugiadas se tròban a dormir  sus l’estrada, dins un pargatge o jos los olivièrs mentre qu’espèran d'èsser transferits jos de capitèls e sus de vaissèls installats coma lotjaments provisòris. (Imatges)
 
L’UE s’es engatjada a aculhir los menors non acompanhats. Alemanha calcula que n’aculhirà entre 100 e 150. França “versemblablament” farà çò meteis mentre qu’espèra “una solucion europèa”, çò anoncièt divendres lo ministre alemand de l’Interior, Horst Seehofer. Segon Seehofer, dètz estats aculhiràn los menors. “Sèm en contacte amb d’autres sòcis europèus per precisar de chifras”, çò precisèt.

De son caire, la Generalitat de Catalonha s’es engatjada a aculhir 120 refugiats de Mòria, dont vint menors non acompanhats. Per o far, a demandat al govèrn espanhòl, a l’Union Europèa e las autoritats grègas que lor permetan de “participar d’un biais solidari amb los autres estats europèus al relotjament d’aquelas personas”. 
 
 
 
abonar los amics de Jornalet
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article