Actualitats
L’IEO d’Arièja torna prene sas activitats, ara tanben sus YouTube
En mai dels corses de lenga, l’IEO prepausa de conferéncias. Se manten la preséncia sus plaça dins los locals e en dirècte sus Internet
Gràcias a la crisi sanitària en cors (per çò que cal plan trobar qualques punts positius a la situacion), avèm enfin botat en plaça una retransmission en dirècte sus YouTube de las conferéncias que se fan dins l’encastre dels Divendres de l’Espaci Occitan, per far fàcia a la limitacion del nombre de plaças dins lo local. Doncas mantenèm la preséncia sus plaça dins los locals de l’IEO-09 e en dirècte sus YouTube. Aqueles divendres son a 18h30 cada 6 setmanas a quicòm pròche, recebèm de conferencièrs sus de tèmas divèrses tocant la lingüistica, la cultura occitana, l’istòria… o la presentacion de filmes, de presentacions de romans, de disques… Atal, per exemple, presentèrem Jornalet, l’an passat.
Inauguram la sason novèla amb un sistèma de transmission en dirècte aqueste divendres 18 de setembre a 18h30! Es Sèrgi Viaule que se va lançar dins l’aventura. Sèrgi Viaule, autor de la revirada del roman de Raimonda Tricoire Esclarmonda de Perelha paregut a las Edicions dels regionalismes, nos presentarà aqueste obratge. Nos parlarà tanben de son gost per la literatura occitana, de sas publicacions e de son trabalh de traductor.
Esperam qu’aquestes dirèctes tocaràn de mond d’un pauc pertot interessats per l’occitan!
Vos esperam nombroses e nombrosas divendres a 18h30! O ben retrobatz-nos sus YouTube.
IEO d’Arièja
E deman:
Inauguram la sason novèla amb un sistèma de transmission en dirècte aqueste divendres 18 de setembre a 18h30! Es Sèrgi Viaule que se va lançar dins l’aventura. Sèrgi Viaule, autor de la revirada del roman de Raimonda Tricoire Esclarmonda de Perelha paregut a las Edicions dels regionalismes, nos presentarà aqueste obratge. Nos parlarà tanben de son gost per la literatura occitana, de sas publicacions e de son trabalh de traductor.
Esperam qu’aquestes dirèctes tocaràn de mond d’un pauc pertot interessats per l’occitan!
Vos esperam nombroses e nombrosas divendres a 18h30! O ben retrobatz-nos sus YouTube.
IEO d’Arièja
E deman:
  |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sèrgi Viaule, qu'es plan mai qu'un traductor, es un escrivan e un militant fòrça valent, amb una brava experiéncia darrièr el, dins los dos domanis. E donc val plan lo còp d'escotar aqueste òme parlar de sas practicas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari