Bandièra01 1180x150: Comuna de Tolosa

Actualitats

Barbados vòl retirar lo títol de cap d’estat a la reina Elisabèt IIa

L’archipèla vòl “daissar endarrièr son passat colonial” e venir una republica, 55 ans après son independéncia

Barbados vòl “daissar endarrièr son passat colonial”. Per o far, retirarà lo títol de cap d’estat a la reina Elisabèt IIa e vendrà una republica en novembre de 2021, segon çò qu’a anonciat lo govèrn del país.
 
L’archipèla caribenc prenguèt son independéncia del Reialme Unit en 1996, mas ten encara la monarca britanica coma cap de l’estat, coma se passa dins d’autras èx-colònias coma Canadà, Austràlia o la Nòva Zelanda.
 
“Es arribat lo moment de daissar entièrament endarrièr nòstre passat colonial”, çò a declarat la governadora generala, Sandra Mason, dins un discors fach en nom del primièr ministre del país, Mia Mottley. “Los barbadians vòlon un cap d’estat barbadian. Aquò es lo gèst definitiu de fisança envèrs çò que sèm e çò que sèm capables d’aténher”, çò a precisat. Lo govèrn barbadian a previst de venir una republica lo jorn que se festejarà lo 55n anniversari de son independéncia.

 
 
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Barbados vòl retirar lo títol de cap d’estat a la reina Elisabèt IIa, e ieu, ne voldriái retirar lo meteis títol a qui que foguèsse…

  • 12
  • 3

Escriu un comentari sus aqueste article