Actualitats
Alemanha: 29 policièrs suspenduts per aver participat a de chats nazis
Son suspèctes de difusar de propaganda nazi e de discorses d’òdi e poirián èsser expulsats del còrs
Las autoritats del Ren del Nòrd-Vestfàlia (Alemanha) an suspendut 29 policièrs per aver participat a de chats ultradrechistas, aver partejat de contenguts faissistas, de fòtos d’Adolf Hitler, de croses gammadas o d’imatges manipulats de refugiats dins de camèras de gas. “Aquò es una vergonha per la polícia del Ren del Nòrd-Vestfàlia”, çò diguèt lo ministre de l’Interior d’aquel estat federat, Herbert Reul, en anonciant una enquista. Qualques unes d’aqueles policièrs son suspèctes de difusar de propaganda nazi e de discorses d’òdi e poirián èsser expulsats del còrs. D’autres son acusats d’aver pas denonciat lors collègas.
L’afar arriba a un moment delicat per las fòrças de l’òrdre alemandas, qu’afrontan d’acusacions de far pas pro per descapelar d’agents faissistas potencialament violents dins lo còrs.
De menaças d’una banda terrorista neonazi
Segon lo ministèri public, s’enquista sus un policièr retirat sospechat de mandar d’e-mails menaçants, signats amb lo nom d’una banda d’assassins neonazis, a de personas immigradas o d’originas immigradas. Aqueles corrics, mandats quitament a qualques legislators d’origina turca, son signats per l’NSU 2.0, una banda terrorista nacionalsocialista qu’entre los ans 2000 e 2007 assassinèt dètz personas, mai que mai de migrants.
L’afar arriba a un moment delicat per las fòrças de l’òrdre alemandas, qu’afrontan d’acusacions de far pas pro per descapelar d’agents faissistas potencialament violents dins lo còrs.
De menaças d’una banda terrorista neonazi
Segon lo ministèri public, s’enquista sus un policièr retirat sospechat de mandar d’e-mails menaçants, signats amb lo nom d’una banda d’assassins neonazis, a de personas immigradas o d’originas immigradas. Aqueles corrics, mandats quitament a qualques legislators d’origina turca, son signats per l’NSU 2.0, una banda terrorista nacionalsocialista qu’entre los ans 2000 e 2007 assassinèt dètz personas, mai que mai de migrants.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Qui gardarà aqueles gardians ?
I a de policièrs nazis (o faissistas) coma i a de pompièrs piromans. Son pas la majoritat. Aqueles los cal traire del còrs sens far de manièras. Per aquò cal quitar de far contrarotlar los policièrs per de policièrs (IGN).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari