Actualitats
Madrid: de protèstas contra lo confinament dels quartièrs pus paures
Mentre que la capitala d’Espanha viu una situacion sanitària inquietanta, lo govèrn regional a pres de mesuras que tòcan cèrts quartièrs
La situacion sanitària dins la capitala espanhòla es complicada. Lo percentatge de personas positivas detectadas amb los tèstes PCR es d’un 22%, del temps que l’Organizacion Mondiala de la Santat (OMS) recomanda que siá inferior a un 5%. A mai, los malauts de covid-19 ocupan mai del 20% dels lièches dels espitals e dins las unitats de suènhs intensius aquò es superior al 40%.
Lo govèrn regional a decidit de confinar solament cèrtas zònas de la capitala e de la banlèga, una estrategia fòrça criticada perque refortís l’estigmatizacion sociala e farà créisser la pauperizacion de la populacion socialament pus freula, çò publica Libération dins un reportatge.
De nombrosas protèstas se tenguèron durant la dimenjada contra aquelas mesuras. Los manifestants critiquèron que lo confinament s’apliquèsse solament a certans airals, los pus paures, trobèron de mesuras absurdas coma las de barrar los pargues en plen aire del temps que se permet de dobrir los restaurants, e deplorèron que lo transpòrt public foguèsse pas refortit, malgrat l’autorizacion dels desplaçaments per anar estudiar o trabalhar.
¡Más enfermería y menos policía! Protestas en los barrios confinados de Madrid, esto es Usera pic.twitter.com/8FseBTlgom
— Nodo50 (@nodo50) September 20, 2020
Arrèst de l’opèra
Dimenge, lo Teatre Reial de Madrid mostrèt el tanben aquela indignacion. Qualques minutas abans que comencèsse l’opera de Verdi Un ballo in maschera, lo public protestèt contra las diferéncias entre la distància de seguretat que i aviá al pertèrra e la que i aviá al bescaume. Las protèstas provoquèron la suspension de l’espectacle.
20.08 hrs. Teatro Real de Madrid. Se retrasa el comienzo de ‘Un baile de máscaras’ por quejas de los asistentes ante la falta de distancia de seguridad en la zona alta del teatro. Y abajo, se respetan las medidas. pic.twitter.com/RwozGKNkvX
— Emilia Chacón (@EmiliaChacon) September 20, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#14 Sètz pas al bon endret per parlar coma o fasètz, paure complotista antisemit e faissista. Aicí es lo paradís dels beni-oui-oui paurucs que tremolan tota la santa jornada sus BFM TV, qu'escotan la paraula divenca del simpatic occitan Jean Castex coma escotavan las de Jérôme Salomon, Sibel N'Diaye (Sibeth fa tròp gascon) o Edouard Philippe e que pensan que lo COVID es coma la pèsta de 1348 perqué l'an dit a la television. Los que, finalament, tròban los policièrs que fan respectar l'òrdre covidenc pro simpatics. Los que preferisson tremolar embarrats a l'ostal que viure. Los que pòrtan la masqueta solets dins l'auto. Los que pensan que los joves son d'irresponsables que vòlon tuar lor mameta coma o ditz la publicitat del govèrn a la televison etc...
Paura societat occidentala, es temps que desapareissa !
#13 fòrt plan. cifras espectacularas, efectivament. es de dòu héser de pas trobar l'istoric de z-score mei lunh que 2016, pasmens, ende se héser una idèa mei precisa.
farrà véder en fin d'annada si la mortalitat globala, bruta, a augmentat tant qu'aquò. e quitament, aquò me haré pas forçadament cambiar d'avís.
tuberculòsis, cancer, hami, polucion tuan tanben, e mediàs e hialats sociaus passan pas son temps a bastir l'espant com dens lo càs de la covid19. lo nòste mòda de vita tua mei encara, lo transpòrt aerian, los pesticidis, la climatizacion daus ostaus, las automobilas, e si contunham dens la medisha dralha, lo planet serà un desèrt dens 20 ans --mès nada accion politica aquí, protegir las abelhas e los bodics, aquò n'interessa pas.
personaument, avossi de votar ende definir una politica d'accion ad aquera terribla pandemia, votarí per una augmentacion immediata e massiva daus mejans alogats a l'espitau publica. votarí per una comission d'enquista seriosa e damb poders judiciaris, quand aus conflictes d'interest daus arlèris qu'an pres totas las decisions de restriccions de libertat. votarí end'enebir 5G, 4G, 3G e hialats sociaus e sons flumis de desinformacion e de propaganda. votarí ende destituir SUU PIC los pimpòis qu'an pretendut que las mascas servivan pas d'arren, e qu'adara l'obligan com estossi la fin dau monde de'n portar pas.
e ad libitum...
#9 «sèi pas la vòsta hont. seré necita una analisis de la mortalitat, raportada au periòde que disetz »
=> I a un molon de fonts, e son totei força coerentas entre l'una e l'autra : EuroMoMo, Momo(ISCIII), Geodes, OurWorldInData, etc. Se troba força aisadament.
« dens quina proporcion ? »
=> +150% de mortalitat au pic per l'Estat Espanhol, +65% per Francia
« comparable, pas comparable ? »
=> z-score locau au pic (lo z-score globau saria mai qu'aquo) : 44 per l'Estat Espanhol, 24 en Francia
2.5 es lo criteri abitual per conclure qu'aquo es "significatiu" dins una publicacion scientifica de medecina. 5 es lo criteri per una "descoberta" en fisica (i.e. quauquarren qu'es considerat completament segur). Negar l'existència de quauquarren amb un z-score de 24 es coma negar que la gravitat existe.
« las victimas èran dejà malaudas en màger part, ce'm sembla. e en larga part hòrt mei atjadas que 70 ans.»
=> Oc, la majoritat a 70 ans, MAI li a unei publicacions scientificas ambe de calculs de "future years lost", e aquestei estimacions son un pau au dessus de 10 ans : aquelei que son mort a 70 ans aurian pogut viure fins a 80 ans (d'alhors, l'esperança de vida dei espanhous e dei francés -a la naissança- es a l'entorn de 83 ans).
Autra causa : Avèm pas vist cap "efecte segada" ("harvesting effect") dins l'epidemia de covid. E quitament per la canicula de 2003, ont avem agut lo temps d'estudiar lei consequencias a l'escala d'anadas, l'efecte possible es força feble.
#11 cinisme : biaish aisit de clavar lo debat en discreditant l'adversari, mès shens argument çaquelà.
ne sui pas medecin, non. mès aquò n'empacha pas la reflexion. e tanlèu que soscan un chic en dehòra de la pensada prepensada per lo repic bfm/estats, las incoeréncias son pertot. e maugrat las incoeréncias e lo ridicul de las mesuras (digun se'n maina pas mei d'aqueth ridicule, tant integrat e acceptat qu'es), nada contestacion, nat questionament.
pensada unica, acceptacion absoluda de la propaganda e de las cifras que balançan tot dia.
los mediàs parlan de 100 reàs, tot lo monde panica --mès digun sap pas çò qu'es una quantitat "normala" de reàs (aquí n'es pas qu'un exèmple, mès tot fonciòna atau dempuish març).
10000 càs positius suplementaris, tot lo monde panica. la proporcion de simptomatics ? n'ec sabem pas. lo nombre de tèsts ? n'ec sabem pas. si lo tèst es capable e fiable au moment de diferénciar covid-19 e autes covids (los entecats) ? daubuns metges ic contestan, ce'm par, mès n'ec sabem pas. 100 reàs suplementàrias / jorn ? las comorbiditats daus pacients, n'ec sabem pas...
son questions que'm semblan legitimas au moment de comprénder la gravetat o non d'aquesta malaudia, non ? n'es pas una gripeta, ok, mès una rason sufisenta ende tot aquesta mascarada ??
#10
Mes vos qu'at sabetz. Ne sabem pas d'on tiratz la vòsta sapiéncia, quinas son las vòstas compténcias medicaus, mes qu'at sabetz.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari