Bandièra01 1180x150: País Invisible

Actualitats

crotz-tolosaCreated with Sketch.GasconhaBearn

Concors d’interpretacion musicala pels estudiants de musica de Bearn e entorns

Los participants devon constituir un grop d’una a quatre personas e se filmar en interpretant un saut bearnés

| menestrersgascons.com
Menestrèrs Gascons e lo collectiu Ça-i organizan un concors d’interpretacion musicala pels escolans de musica de Bearn e dels païses de l’entorn amb la tòca de promòure lo saut bearnés. Los participants devon constituir un grop d’una a quatre personas e se filmar en interpretant un saut bearnés.
 
Lo grop laureat del primièr prèmi ganharà una jornada d’enregistrament e de mesclatge a l’estúdio Carlamusa. Lo segond prèmi serà un exemplar dels CD Sauts biarnés de l’arribèra e Sautejada per cadun dels participants.
 
Cal mandar los vidèos a associacion(a)menestrersgascons.com abans lo 15 de novembre. Los vidèos seràn difusats pendent la Sautejada numerica del 28 de novembre.
 
L’iniciativa a per tòca la promocion d’aquela dança qu’en Bearn es fòrça tradicionala, çò explican los organizaires sul web:
 
“Aqueth concors qu’a per objectiu d’incitar los escolans a s’apropriar los sauts bearnés, qui hèn partida deu repertòri tradicionau deu departament, e de har lo ligam enter l’aprentissatge de la musica e un eventuau futur investiment dens un grop de musica perenne. Que’us permet de sortir deu quadre de l’aprentissatge e de l’execucion en sòlo tà anar de cap tau de la prestacion publica, dab las exigéncias qu’aquò e demanda”.
 
Lo sit web prepausa tanben de descargar tot lo reglament entièr del concors e quitament de particions de sauts.

 
 
 
 
Per mai d’informacions vesitatz lo sit: Trempolin Sauts Bearnés 2020
 
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Aura
4.

#3 De tot biais, i a pas que los escolans d'escòla de musica que pòdon participar. Es un trempolin pels aprenents.

  • 2
  • 0
Mathys de Los Tresbadors Mirapeish
3.

Es plan. Se cal es dobrir a totis las personnas de l'"Occitania" ... Ieu soi en Arieja e ne pot pas participar ...

  • 2
  • 1
Bleydh Vilanova
2.

#1 Desolat, ara la pogui veire en Occitan! (abans me sortias en francés sens possibilitat de Gascon)

  • 3
  • 0
Bleydh Vilanova
1.

Aquò es una bona causa per ajudar la lenga entre los mai joves. Mes tanben seriá bon de legir la web de Menestrèrs Gascon en Occitan!

  • 2
  • 1

Escriu un comentari sus aqueste article