Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaLanas e LabritBug

Interdiccion mantinguda de las ústrias d'Arcaishon

L'interdiccion es adara generalizada a tota la produccion ustricòla de la laca

| Pèir-Joan Masdiset

Pr'amor de la preséncia de dinofisis (una alga toxica que pòt causar intoxicacions leugèiras), amassatge, vènta e consommacion d'ústrias d'Arcaishon son enebits dempuish lo 5 d'abriu.


Si l'interdiccion pertoquèt pas que las coscolhas deu banc d'Arguin a la debuta, es adara generalizada a tota la produccion ustricòla de la laca. Estant la reglementacion, que demanda dus tèsts negatius de rèng per livar l'interdiccion, las ústrias poirén demorar enebidas encara duas setmanas. Los pescaires d'Arcaishon demandèren gèir a la prefectura que realizèssin autes tèsts avant la data prevista, entà perturbar pas tròp l'activitat (d'autant que las interdiccions pertocan tanben las musclas), e en esperar poder tornar comercializar las coscolhas avant las vacanças escolaras s'acabèssin, e avant los dias hestejats deu 1èir e 8 de mai.


Pèir-Joan Masdiset

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Andrèu
2.

Qu'arriba tostemps au parat de las vacanças aqueths tèsts ... e vòu díser alavetz que las ustras e son bonas après ?

  • 0
  • 0
Julien St Miquèu de Riufred
1.

Cada annada es la medisha causa : intoxican una mirga dab la valor de 15 dotzenats e s'estonan que sii malauta...

  • 1
  • 0

Escriu un comentari sus aqueste article