Bandièra01 capçalera  1180x150: Novestivada

Actualitats

Lo president de Mexic sollicita del Vatican e del rei d’Espanha d’excusas publicas per las atrocitats de la conquista

Après una letra mandada en 2019 al rei d’Espanha, ne ven d’enviar una al papa Francés ont soslinha que los pòbles originaris meritan”un engatjament sincèr que jamai pus se cometrà pas d’actes irrespectuoses de lors cresenças e culturas”

| @opezobrador_
Lo president de Mexic, Andrés Manuel López Obrador, a enviat una letra al papa Francés ont sollicita d’el “coma representant de la Glèisa Catolica” e a “la monarquia espanhòla” que demanden publicament excusa als pòbles originaris d’America per “las atrocitats e lo sacatge” de la conquista.
 
La letra la mandèt dimenge, a l’ocasion de la velha del 12 d’octòbre, dins lo qual l’estat espanhòl celèbra sa fèsta nacionala, lo dich jorn de l’Ispanitat, que rend omenatge a la descobèrta d’America per Cristòl Colomb en 1492. López Obrador afortís que “pr’amor d’aquela efemerida, tant la glèisa catolica coma la monarquia espanhòla e l’estat mexican devèm demandar publicament excusa als pòbles originaris que patiguèron d’atrocitats pel pilhatge de lors bens e tèrras e per los aver someses de la conquista de 1521 fins al passat recent”.
 
A mai, la letra soslinha que totes aqueles pòbles originaris son ara marginalizats, paures e victimas del racisme e que meritan “un engatjament sincèr que jamai pus se cometrà pas d’actes irrespectuoses de lors cresenças e culturas”.
 
La letra la portèt personalament al pontife la femna del president de Mexic, Beatriz Gutiérrez Müller, qu’èra a vesitar Roma.
 
Aqueste fach seguís una demanda que la faguèt  López Obrador a l’estat espanhòl en 2019, quand envièt una letra al rei Felip VI per tal de sollicitar d’aqueste la reconeissença dels grèuges de la conquista de Mexic. A aquel moment, lo ministre dels afars exteriors d’alavetz, Josep Borrell, li respondèt: “Evidentament, Espanha demandarà pas tardièrament excusa”.

 



abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" igualada (PP.CC.)
8.

Es bo que demanin perdó, però crèc que haurien de pagar pel que han fet, diuen que entre 30 i 90 de morts, quina barbaritat! I ells sense demanar perdò mai, els ha valgut la pena! N'han tret res? Son uns miontres jenocides!? Si ho son, i que les diferents nacionsd'amerca triin el castic!
Visca la Terra...Lliure!
L'Ernest, "El Tàrrega".

  • 0
  • 0
Moctezuma Sempre !
7.

#4#5 Lo president mexican es pas pus Indian que mesclat, es un representant tipic de la nauta borgesia aristocratica mexicana d'origina espanhola que se vol blanca, blanca, blanca e sustot pas Indiana. Son andana al prep del papa es una bofonaria d'ipocrisia grandassa. Que sa casta sociala torna lo poder al poble, qu'es de vertat majoritàriament indian o mesclat, puslèu que de se faire passar per el !

  • 9
  • 13
Franc Bardòu
6.

#5 Degun ! Scientificament, una raça, aquò non existís pas.

  • 10
  • 66
Bleydh Vilanòna
5.

#4 Mès Trump a genetica celta, e per aquò pot demanar excusas de la reina d'Anglaterra per colonizar Escòcia X-D. A la fin, qui pot dire que es d'una raça 'pura'?

  • 7
  • 17
Trauc de Cuol
4.

#2 La màger part dels mexicans son de mestizos amb d'ancèstres a l'encòp europèus (o arabs perque foguèron colonizats per d'andaloses tot bèl just crestianizats) e indians, mentre que Trump es bensai entièrament europèu (quitament s'aquel fòl es una vergonha que merita pas d'èsser sonat ansin). Doncas segur qu'aqueles mexicans son pas de purs natius de las Americas, mas son totjorn mai "indians" que Trump...

  • 5
  • 2

Escriu un comentari sus aqueste article