Actualitats
De mobilizacions per totes los Pirenèus gascons contra un projècte de megaressèc
Las associacions ecologistas e los professionals de la fusta son inquiets pel volum enòrme de talhadas d’arbres que lo prevei lo projècte
Una trentena d’associacions se son mobilizadas aquesta dimenjada long dels Pirenèus gascons per protestar contra un projècte de megaressèc que lo grop italian Florian vòl installar a Lanamesa. Qualques centenats de personas an manifestat a Aspèth, Auloron, Banhèras de Bigòrra, Capvèrn, Pèirahita, Sent Gironç...
Las associacions ecologistas, e sustot los professionals del sector de la fusta, son inquiets del volum enòrme de talhadas d’arbres que lo prevei lo projècte. Amb la tòca de combatre l’installacion d’aquela multinacionala privada —finançada al 60% per l'argent public— s’es constituit lo collectiu Tòques pas a ma forèst, compausat d'associacions, de professionals del bòsc, de sindicats e partits politics amb la tòca de defendre l’ecosistèma forestièr.
Delà las mobilizacions, an adreiçat una peticion en linha la presidenta de la region, Carole Delga, que se pòt signar sus Change.org.
Lo collectiu es tanben a menar un trabalh d’analisi e descriptatge d’aquel projècte industrial actualament portat pel Conselh Comunautari deth Platèu de Lanamesa, per fin de contribuir a elaborar un projècte alternatiu per l’economia de la fusta qu’optimize los apòrts socials, ecologics e economics pel ben de totes tant uèi coma deman.
Las associacions ecologistas, e sustot los professionals del sector de la fusta, son inquiets del volum enòrme de talhadas d’arbres que lo prevei lo projècte. Amb la tòca de combatre l’installacion d’aquela multinacionala privada —finançada al 60% per l'argent public— s’es constituit lo collectiu Tòques pas a ma forèst, compausat d'associacions, de professionals del bòsc, de sindicats e partits politics amb la tòca de defendre l’ecosistèma forestièr.
Delà las mobilizacions, an adreiçat una peticion en linha la presidenta de la region, Carole Delga, que se pòt signar sus Change.org.
Lo collectiu es tanben a menar un trabalh d’analisi e descriptatge d’aquel projècte industrial actualament portat pel Conselh Comunautari deth Platèu de Lanamesa, per fin de contribuir a elaborar un projècte alternatiu per l’economia de la fusta qu’optimize los apòrts socials, ecologics e economics pel ben de totes tant uèi coma deman.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo vrai nom deu collectiu es Touche pas à ma forêt
Mei de monde que per la lenga.
En Gasconha disem ua segueria o un sarrader
Totun que cau signar la peticion
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari