Actualitats
5000 ans abans
Un estudi paleoantropologic confirma l’arribada de nòstra espècia, Homo sapiens, dins l’oèst europèu es 5000 ans abans çò que se cresiá
Lo darrièr estudi paleoantropologic fach sus l’arribada de nòstra espècia, Homo sapiens sapiens, dins l’oèst europèu, a confirmat una primièra preséncia d’aperaquí fa 41 000 ans, çò es 5000 ans abans çò que se cresiá. L’estudi es basat sus d’aisinas de pèira trapadas dins la cauna de Picareiro, en Portugal.
Segon aquel estudi, d’umans modèrnes serián ja arribats dins aquel luènh endrech de l’oèst europèu (pr’amor que los primièrs venguèron en Euròpa a travèrs de l’Euròpa del sud-èst) entre fa 41 000 e 38 000 ans. Foguèt aital que l’antropològ estatsunidenc Jonathan Haws dirigiguèt una còla internacionala per o analisar.
Per ansin, plusors espleches de pèira descobèrts fa gaire dins la cauna portuguesa de Picareiro, situada prèp de la còsta atlantica del centre d’aquel país, aurián confirmat l’arribada de l’òme modèrne dins aquela region europèa fòrça abans çò que se pensava. E se los neandertalians ailà i visquèron benlèu dedins fa 37 000 ans, aquò tanben voldriá dire que las doas espècias demorèron amassa almens pendent 4 000 ans.
“La question suls darrièrs neandertalians que visquèron en Euròpa demòra dobèrta, çò diguèt Lukas Field, antropològ de l’Universitat de Boèmia de l’Oèst. Foguèron assimilats o remplaçats? Encara o podèm pas dire. Los espleches de pèira trapats a Picareiro apertenon a la tecnica aurinhaciana e son d’una epòca fòrça anteriora a tot çò qu’aviam trobat dins la region fins ara, çò qu’es estonant”.
Una tecnica plan primitiva
Fins ara, l’evidéncia mai anciana de la preséncia d’umans modèrnes al sud d’Èbre èra la trapada dins la cauna de Bajondillo, situada sus la còsta pus meridionala de la peninsula Iberica. Mas la descobèrta a Picareiro de pèiras talhadas amb la tecnica aurinhaciana (la primièra utilizada per d’umans modèrnes) fa recular la cronologia preïstorica umana d’aperaquí 5000 ans.
“L’espandiment d’umans anatomicament modèrnes en Euròpa fa de milièrs d’ans es essencial per tal de comprene nòstra origina coma espècia sus la planeta, çò afirmèt John Yellen, arqueològ de la Fondacion Nacionala de la Sciéncia. Es per aquò que la descobèrta de Picareiro porgís de contactes entre aqueles òmes e femnas e de neandertalians pendent de milièrs d’ans, pr’amor que la preséncia umana mai anciana en aquel endrech a almens 50 000 ans”.
Las nòvas donadas de Picareiro foguèron confirmadas amb una analisi scientifica sonada radiocarbòni. Segon çò que semblariá, pasmens, los neandertalians del luòc recebèron pas brica l’influéncia dels umans modèrnes, car lors aisinas de pèira contunhèron d’èsser bastidas amb la tecnica de Levallois, fòrça mai primitiva. E lo material per los bastir tanben foguèt desparièr. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí
Segon aquel estudi, d’umans modèrnes serián ja arribats dins aquel luènh endrech de l’oèst europèu (pr’amor que los primièrs venguèron en Euròpa a travèrs de l’Euròpa del sud-èst) entre fa 41 000 e 38 000 ans. Foguèt aital que l’antropològ estatsunidenc Jonathan Haws dirigiguèt una còla internacionala per o analisar.
Per ansin, plusors espleches de pèira descobèrts fa gaire dins la cauna portuguesa de Picareiro, situada prèp de la còsta atlantica del centre d’aquel país, aurián confirmat l’arribada de l’òme modèrne dins aquela region europèa fòrça abans çò que se pensava. E se los neandertalians ailà i visquèron benlèu dedins fa 37 000 ans, aquò tanben voldriá dire que las doas espècias demorèron amassa almens pendent 4 000 ans.
“La question suls darrièrs neandertalians que visquèron en Euròpa demòra dobèrta, çò diguèt Lukas Field, antropològ de l’Universitat de Boèmia de l’Oèst. Foguèron assimilats o remplaçats? Encara o podèm pas dire. Los espleches de pèira trapats a Picareiro apertenon a la tecnica aurinhaciana e son d’una epòca fòrça anteriora a tot çò qu’aviam trobat dins la region fins ara, çò qu’es estonant”.
Una tecnica plan primitiva
Fins ara, l’evidéncia mai anciana de la preséncia d’umans modèrnes al sud d’Èbre èra la trapada dins la cauna de Bajondillo, situada sus la còsta pus meridionala de la peninsula Iberica. Mas la descobèrta a Picareiro de pèiras talhadas amb la tecnica aurinhaciana (la primièra utilizada per d’umans modèrnes) fa recular la cronologia preïstorica umana d’aperaquí 5000 ans.
“L’espandiment d’umans anatomicament modèrnes en Euròpa fa de milièrs d’ans es essencial per tal de comprene nòstra origina coma espècia sus la planeta, çò afirmèt John Yellen, arqueològ de la Fondacion Nacionala de la Sciéncia. Es per aquò que la descobèrta de Picareiro porgís de contactes entre aqueles òmes e femnas e de neandertalians pendent de milièrs d’ans, pr’amor que la preséncia umana mai anciana en aquel endrech a almens 50 000 ans”.
Las nòvas donadas de Picareiro foguèron confirmadas amb una analisi scientifica sonada radiocarbòni. Segon çò que semblariá, pasmens, los neandertalians del luòc recebèron pas brica l’influéncia dels umans modèrnes, car lors aisinas de pèira contunhèron d’èsser bastidas amb la tecnica de Levallois, fòrça mai primitiva. E lo material per los bastir tanben foguèt desparièr. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 O coma lo lop e lo can…
#2 Òc, un pauc tant coma l'ors blanc e lo grizli.
#1 Non s'agís d'espècias distinctas ; se que non, per definicion scientifica, los enfants eissit de tals crosaments non seriá,n estats en mesura de transmetre son tròç e genòma fins a nosautres uèi. Son doos linhatges plan distincts, ni res mai.
Ara sabèm que las doas especias interactèt de nombrosas vegadas, ja qu'avèm aperaqui 2% de gènes neandetalians dins nòstre genòma. Mas me gardarai plan de dire s'aquestes raports foguèron romantics e sensuals, o se foguèron de raubatòris e de viòls...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari