Bandièra01 1180x150: País Invisible

Actualitats

Madrid: a començat lo macroprocès contra l'independentisme galèc

Comencèt ièr lo jutjament contra los activistas de las organizacions Ceivar e Causa Galiza, acusats de terrorisme

Comencèt ièr a Madrid un macroprocès contra dotze militants independentistas galècs pels quals lo procuraire demanda de penas d’entre 4 e 12 ans de preson. Los jutja la dicha Audiéncia Nacionala, un tribunal d’excepcion especializat en crimes de terrorisme, qu’es lo meteis que dobriguèt la procedura contra los independentistas catalans.
 
Los acusats son de militants de las organizacions Causa Galiza e Ceivar. La primièra es un partit politic independentista que foguèt illegalizat en 2016 pendent un an jos l’acusacion de far l’apologia del terrorisme. Quant a Ceivar, s’agís d’una organizacion antirepressiva.
 
Los dotze militants acusats foguèron detenguts en 2015 e 2017 dins d'operacions polemicas de la Gàrdia Civila per tota Galícia. Las nomenavan "operacion Jaro" e se faguèron jos la legislacion antiterrorista.

 
 

abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Madrid es lo niu lo fogalh del pp que confon Drets Humans e terrorisme. Solment Castilha, Espanha !, Castilha, Espanha !,......

  • 6
  • 1

Escriu un comentari sus aqueste article