Bandièra01 1180x150: País Invisible

Actualitats

crotz-tolosaCreated with Sketch.GuianaBordalésLa Grava

An atacat una mosqueta de Bordèu e an menaçat la de Besièrs

Aquela èrsa d’islamofobia arriba qualques jorns après l’òrre assassinat de Samuel Paty qu’a esmogut lo Mond entièr

| Jules Boiteau - France 3 Aquitaine
An atacat una mosqueta de Bordèu situada en Carrièra dels Menuts. An brigalhat las vitras e son apareguts de tags sus la paret que disián “Vive la France” e “Mahomet = lâche” (“Visca França” e “Maomet = coard”), e de croses celticas e de Lorena, de simbòls que s’es apropriats l’ultradrecha. Los tags son estats escafats. Segon la prefectura, “‘d’investigacions son en cors per retrobar los autors d’aqueles faches”.
 
En mai d’aquò, suls rets socials s’es publicat de messatges que cridavan a “cremar” la mosqueta de Besièrs, çò rapòrta The Huffington Post.
 
L’agression e la menaça arriban qualques jorns après l’òrre assassinat de l’ensenhaire francés Samuel Paty qu’a esmogut lo Mond entièr, e qu’en França a tanben provocat de reaccions patrioticas e tanben islamofòbas, d’actes considerats coma “inacceptables sul sòl de la Republica”, segon lo ministre de l’Interior Gérard Darmanin, qu’o a escrich sus Twitter.
 
 
 
“Se’n prenon a nosautres a l’encòp l’extrèma drecha e los islamistas radicals”
 
En seguida del messatge del ministre, France 3 a contactat dos imams de Bordèu que planhon que las agressions d’aquela mena sián “vengudas quicòm de banal”. Los imams dison que se’n prenes a eles “a l’encòp l’extrèma drecha e los islamistas radicals. Se jonhon dins lors perfils. Se tracta pas de pàtria, d’islam o de laïcitat, son simplament de personas qu’an de problèmas psicologics e sustot qu’an d’òdi. La rèsta es sonque  de justificacion”. Los imams afortisson que pòdon pas defendre “los murtres en nom de Dieu.
 
D’autre caire, un dels imams rapòrta qu’a agut refusat una proteccion policièra. “Sabi que m’expausi un jorn a una esparrada, mas soi seren, ai pas paur”.
 
Ça que la, la prefectura a anonciat lo desplegament de patrolhas a l’entorn dels luòcs de pregària de Bordèu.

 
 
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
11.

#10 Non masqui pas res : eduqui, qu'es lo mieu mestièr.

  • 2
  • 2
Sullivan
10.

#9 Per rendre sei ribièras ai Lakotah
Per arrestar lo chaple de Papuà
Per veire Palestina viure dins la patz
Se mascarem la cara
Coma va fan au Chiapàs

  • 9
  • 0
Franc Bardòu
9.

V£ostras chifras son benlèu interessantas (o non), mas non entendèm pas, sus jornalet la vòstra lenga. Seriatz plan brave d'o tornar escruire en occitan d'ont voldretz o en catalan. Sense vos comandar…

  • 23
  • 8
Recèrca per analisar e compréner
7.

https://www.lemonde.fr/idees/article/2018/04/03/la-radicalite-religieuse-concerne-principalement-les-jeunes-de-confession-musulmane_5279754_3232.html

https://www.lemonde.fr/idees/article/2018/04/03/l-inquietante-radicalite-des-jeunes-musulmans_5279751_3232.html

https://www.lemonde.fr/societe/article/2010/09/13/un-chercheur-lance-le-debat-sur-l-impact-de-l-immigration-dans-les-quartiers-ghettoises_1410434_3224.html

https://www.lemonde.fr/idees/article/2020/10/23/le-decalage-est-vertigineux-entre-l-etendard-de-la-liberte-d-expression-brandi-par-macron-et-le-quotidien-d-enseignants-et-d-artistes-qui-s-autocensurent_6057032_3232.html

  • 5
  • 9

Escriu un comentari sus aqueste article