Actualitats
Little Antifa Novel: un videojòc antifaissista gratuit
Es una idèa originala sus cossí far de militància antifaissista, mas es tanben estada utila concretament als antifaissistas en procès
Lo 5 de novembre de 2016, se passèt dins la vila italiana de Pavia, en Lombardia, una menaçanta manifestacion neofaissista. Una coalicion d’organizacions e individús d’esquèrra, lo Ret Antifaissista, fòrça actiu, decidiguèt de demorar pas los braces crosats e convoquèt una manifestacion estatica tot long del percors del cortègi faissista.
La polícia ataquèt ferotjament lo pòst antifaissista, en nafrant grèvament mai d’una persona, dont un militant comunista de cinquanta ans que deguèt subir una intervencion cirurgicala dins lo crani. Totun, los antifaissistas boleguèron pas mas mantenguèron lor posicion, en compelissent lo cortègi antifaissista a desviar.
L’afar tenguèt un resson notable, compte tengut de las pichonas dimensions de la vila ont dempuèi de decennis s’èra pas vist un semblable nivèl de repression policièra. Aquò aguèt per consequéncias lo transferiment de la questora e prefècta, coma o demandava una longa campanha de signaturas, e l’enebicion formala del cortègi faissista pels ans seguents, e doncas una victòria substanciala del Ret Antifaissista, mas tanben un procès contra de desenas de manifestants, reduches a 7 “lidèrs” de la protèsta.
Un d’aquestes, lo militant marxista Mauro Vanetti, es un programator. Vistas las significativas despensas legalas que pertòcan lo Ret Antifaissista, pensèt que lo biais mai eficaç d’a l’encòp collectar de fonzes e de contar los eveniments èra.. d’escriure un videojòc.
Little Antifa Novel es un videojòc gratuit, que s’i pòt jogar en linha o que se pòt descargar sus l’ordenador; es accessible a l’adreiça https://maurovanetti.itch.io/lan
Dins lo jòc, es possible de reviure las causidas, en assemblada, sus plaça e dins lo parladís amb la polícia, que las faguèt lo Ret Antifaissista, e de doncas far se debanar los eveniments d’una manièra parièra, identica o quitament completament diferenta de çò que se passèt istoricament en 2016.
De segur, es una idèa originala sus cossí far de militància antifaissista, mas es tanben estada utila concretament als antifaissistas en procès: e mai siá gratuit, lo jòc demanda de far un don al Ret a travèrs del sistèma de pagament en linha del sit, e aital son estadas amassadas fins ara de centenas d’èuros.
Lo grafisme del jòc lo faguèt la lombarda Chiara Colangelo, mentre que la musica foguèt compausada pel militant No TAV Davide Gastaldo, que viu en Val d’Ors, una de las Valadas occitanas.
GS
La polícia ataquèt ferotjament lo pòst antifaissista, en nafrant grèvament mai d’una persona, dont un militant comunista de cinquanta ans que deguèt subir una intervencion cirurgicala dins lo crani. Totun, los antifaissistas boleguèron pas mas mantenguèron lor posicion, en compelissent lo cortègi antifaissista a desviar.
L’afar tenguèt un resson notable, compte tengut de las pichonas dimensions de la vila ont dempuèi de decennis s’èra pas vist un semblable nivèl de repression policièra. Aquò aguèt per consequéncias lo transferiment de la questora e prefècta, coma o demandava una longa campanha de signaturas, e l’enebicion formala del cortègi faissista pels ans seguents, e doncas una victòria substanciala del Ret Antifaissista, mas tanben un procès contra de desenas de manifestants, reduches a 7 “lidèrs” de la protèsta.
Un d’aquestes, lo militant marxista Mauro Vanetti, es un programator. Vistas las significativas despensas legalas que pertòcan lo Ret Antifaissista, pensèt que lo biais mai eficaç d’a l’encòp collectar de fonzes e de contar los eveniments èra.. d’escriure un videojòc.
Little Antifa Novel es un videojòc gratuit, que s’i pòt jogar en linha o que se pòt descargar sus l’ordenador; es accessible a l’adreiça https://maurovanetti.itch.io/lan
Dins lo jòc, es possible de reviure las causidas, en assemblada, sus plaça e dins lo parladís amb la polícia, que las faguèt lo Ret Antifaissista, e de doncas far se debanar los eveniments d’una manièra parièra, identica o quitament completament diferenta de çò que se passèt istoricament en 2016.
De segur, es una idèa originala sus cossí far de militància antifaissista, mas es tanben estada utila concretament als antifaissistas en procès: e mai siá gratuit, lo jòc demanda de far un don al Ret a travèrs del sistèma de pagament en linha del sit, e aital son estadas amassadas fins ara de centenas d’èuros.
Lo grafisme del jòc lo faguèt la lombarda Chiara Colangelo, mentre que la musica foguèt compausada pel militant No TAV Davide Gastaldo, que viu en Val d’Ors, una de las Valadas occitanas.
GS
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot lo que sia antifassista, antifranquista, antinazi, m'agrada!
#1 Mon bon Papioli, i-a de jorns qu'a te legir e a ensajar d'encapar la caminada escura dels teus rasonaments esoterico-poetics om auria gaireben lo vam de te far la suggestion que l'Erdogan faguèt fa pauc al Macron.
#4 Sonque los formatats per BFM TV non veson l'urgència a reagir contra lo fascisme actual, lo qu'es declarat e aficat coma tal, mas tanben e subretot lo que s'amaga darrièr de noms democratics e constitucionals per ja operar segon l'art e lo necitge d'aquela sinsitrassa errança poltica…
Òsca! Aquò que junta ua auta produccion italiana de jòc videò independenta e anticapitalista, Molle industria. Los italians que son mei armats que nosautes contra lo dangèr de l'estrèma-dreta qui s'espandeish.
#4 D'articles subre l'actualitat "importanta", n'i a plen aquel siti. Es pas perqué i a ataben d'altres tipes d'articles que cal escafar tot aquò e reténer sonque lo darrièr.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari